हे वर्ष कांदा उत्पादक शेतकऱ्यांसाठी कर्दनकाळ ठरलं असं म्हणायला काही हरकत नाही. कांद्याचे दर वाढीवर नियंत्रण येण्यासाठी केंद्र सरकारने अनेक पावलं उचलली. त्यामध्ये कांदा उत्पादक दाबला गेला आणि अतोनात नुकसानाला बळी पडावं लागलं. तर वर्षाच्या शेवटच्या दिवशीही शेतकऱ्याला मातीमोल दराने कांदा विकावा लागत आहे. त्यामुळे शेतकऱ्यांचा उत्पादन खर्चही निघत नसल्याचं चित्र आहे.
दरम्यान, आजच्या पणन मंडळाच्या उपलब्ध माहितीनुसार आज राज्यातील केवळ एका बाजार समितीमध्ये २ हजारांपेक्षा जास्त सरासरी दर मिळाला आहे. तर त्यानंतर जुन्नर - ओतूर बाजार समितीमध्ये २ हजार रूपये प्रतिक्विंटल सरासरी दर मिळाला. ९०० रूपये प्रतिक्विंटल हा आजचा सर्वांत कमी सरासरी दर होता.
पुणे - मोशी बाजार समितीमध्ये आज सर्वांत कमी दर मिळाला. किमान ३०० रूपये प्रतिक्विंटल तर कमाल १ हजार ५०० रूपये प्रतिक्विंटल आणि ९०० रूपये सरासरी दर येथे मिळाला. आजचे दिवसभरातील सरासरी दर हे ९०० रूपये ते १ हजार ९०० रूपये प्रतिक्विंटल यादरम्यान होते. येणाऱ्या नव्या वर्षात शेतकऱ्यांना कांद्याचे दर वाढण्याची अपेक्षा आहे.
आजचे सविस्तर कांद्याचे दर
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 31/12/2023 | ||||||
| मंचर | --- | क्विंटल | 3440 | 1300 | 2600 | 1950 |
| दौंड-केडगाव | --- | क्विंटल | 1269 | 700 | 2100 | 1600 |
| जुन्नर - नारायणगाव | चिंचवड | क्विंटल | 8 | 700 | 1800 | 1100 |
| कोपरगाव | लाल | क्विंटल | 4120 | 1000 | 1950 | 1825 |
| पारनेर | लाल | क्विंटल | 13371 | 300 | 2500 | 1650 |
| भुसावळ | लाल | क्विंटल | 42 | 1200 | 1500 | 1300 |
| राहता | लाल | क्विंटल | 1250 | 600 | 2300 | 1600 |
| पुणे | लोकल | क्विंटल | 14047 | 800 | 2600 | 1800 |
| पुणे- खडकी | लोकल | क्विंटल | 4 | 2000 | 2700 | 2350 |
| पुणे -पिंपरी | लोकल | क्विंटल | 4 | 1500 | 1500 | 1500 |
| पुणे-मांजरी | लोकल | क्विंटल | 57 | 1700 | 2200 | 1900 |
| पुणे-मोशी | लोकल | क्विंटल | 408 | 300 | 1500 | 900 |
| जुन्नर -ओतूर | उन्हाळी | क्विंटल | 2393 | 1000 | 2500 | 2000 |