मागच्या दोन ते तीन महिन्यापासून कापसाचे दर हमीभावापेक्षा कमी असून शेतकऱ्यांना तब्बल ५०० ते १ हजार रूपयांचे नुकसान सहन करावे लागत आहे. आजच्या पणन मंडळाच्या माहितीनुसार राज्यात केवळ एका बाजार समितीमध्ये कापसाला ७ हजारांच्या वर दर मिळाला. त्यामुळे शेतकऱ्यांचे मोठे नुकसान होताना दिसत आहे. तर अनेक शेतकऱ्यांनी वाढीव दर मिळण्याच्या हेतूने कापसाची साठवणूक करून ठेवली आहे.
दरम्यान, आज लोकल, लांब स्टेपल, मध्यम स्टेपल, एच-४-मध्यम स्टेपल या कापसाची आज आवक झाली होती. तर अकोला बोरगावमंजू येथे ७ हजार २५५ रूपयांचा कमाल दर तर आजच्या दिवसातील सर्वांत जास्त म्हणजे ७ हजार २७ रूपये प्रतिक्विंटल सरासरी दर मिळाला आहे. या ठिकाणी केवळ १२५ क्विंटल कापसाची आवक झाली होती.
तर नेर परसोपंत या बाजार समितीमध्ये आजच्या दिवसातील सर्वांत कमी म्हणजे केवळ ६ हजार ५० रूपये सरासरी दर मिळाला आहे. यामुळे या ठिकाणी शेतकऱ्याला प्रतिक्विंटल तब्बल १ हजार रूपयांचे नुकसान झाले आहे. या बाजार समितीमध्ये केवळ २५ क्विंटल कापसाची आवक झाली होती.
आजचे कापसाचे सविस्तर दर
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 13/01/2024 | ||||||
| सावनेर | --- | क्विंटल | 3400 | 6775 | 6850 | 6800 |
| भद्रावती | --- | क्विंटल | 277 | 6400 | 6800 | 6600 |
| पारशिवनी | एच-४ - मध्यम स्टेपल | क्विंटल | 180 | 6800 | 6850 | 6825 |
| अकोला | लोकल | क्विंटल | 542 | 6880 | 7130 | 6970 |
| अकोला (बोरगावमंजू) | लोकल | क्विंटल | 125 | 6800 | 7255 | 7027 |
| उमरेड | लोकल | क्विंटल | 834 | 6600 | 6900 | 6750 |
| वरोरा | लोकल | क्विंटल | 3104 | 6250 | 6900 | 6700 |
| वरोरा-खांबाडा | लोकल | क्विंटल | 1927 | 6650 | 6900 | 6800 |
| नेर परसोपंत | लोकल | क्विंटल | 25 | 6050 | 6050 | 6050 |
| मांढळ | लोकल | क्विंटल | 145 | 6560 | 6850 | 6700 |
| हिंगणा | लोकल | क्विंटल | 30 | 6200 | 6850 | 6675 |
| सिंदी(सेलू) | लांब स्टेपल | क्विंटल | 1460 | 6550 | 7015 | 6900 |
| हिंगणघाट | मध्यम स्टेपल | क्विंटल | 7000 | 6000 | 7195 | 6500 |
| पुलगाव | मध्यम स्टेपल | क्विंटल | 5050 | 6400 | 7105 | 6950 |