उत्पादन घटूनही कापसाचे दर उतरले! आज किती मिळाला भाव?

कापसाचे दर वाढण्याची शक्यता होती पण दर खाली येताना दिसत आहेत.

राज्यभरातील कापसाचे दर येत्या काही दिवसांत वाढण्याची शक्यता बाजारभाव अभ्यासकांनी व्यक्त केली होती. पण तसे न होता सध्या कापसाचे दर ७ हजारांपेक्षाही कमी झाले आहेत. लांब धाग्याच्या कापसाला केंद्र सरकारकडून ७ हजार २० रूपये हमीभाव जाहीर झाला आहे पण तेवढाही दर मिळत नाही. सध्या बाजारात चांगल्या प्रतीच्या कापसाची आवक होत आहे.

आंतरराष्ट्रीय पातळीवर कापसाचे उत्पादन कमालीचे घटणार आहे, त्याचबरोबर भारतातीलही कापसाचे उत्पादन घटले आहे. त्यामुळे आंतरराष्ट्रीय स्तरावर कापसाचे दर वाढणार असल्याची शक्यता होती पण कापसाच्या दराने शेतकऱ्यांच्या पदरात निराशा पडली आहे. 

अनेक व्यापारी शेतकऱ्यांच्या घरी जाऊन कापूस खरेदी करत असतात. तर खूप कमी शेतकरीकापूस बाजार समितीत विक्री करतात. तर आज राज्यभरातील कापसाच्या दराचा विचार केला तर आज नेर परसोपंत बाजार समितीत सर्वांत कमी म्हणजे ६ हजार १०० रूपये प्रतिक्विंटल एवढा सरासरी दर मिळाला आहे. तर अकोला आणि अकोला-बोरगावमंजू या बाजार समितीत सर्वांत जास्त म्हणजे ७ हजार २४४ रूपये प्रतिक्विंटल एवढा सरासरी दर मिळाला आहे. एकूण ६ हजार ७०० ते ७ हजार रूपये प्रतिक्विंटलच्या दरम्यान सरासरी दर आज कापसाला मिळाला आहे.

आजचे कापसाचे सविस्तर दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
07/12/2023
सावनेर	---	क्विंटल	1500	6800	6850	6850
राळेगाव	---	क्विंटल	3500	6500	7085	6950
हिंगणा	एकेए -८४०१ - मध्यम स्टेपल	क्विंटल	58	6800	7000	6900
आर्वी	एच-४ - मध्यम स्टेपल	क्विंटल	1624	7000	7100	7050
अकोला	लोकल	क्विंटल	62	7000	7488	7244
अकोला (बोरगावमंजू)	लोकल	क्विंटल	107	7000	7488	7244
उमरेड	लोकल	क्विंटल	184	6500	6950	6800
देउळगाव राजा	लोकल	क्विंटल	300	7100	7100	7100
वरोरा	लोकल	क्विंटल	498	6300	7051	6700
वरोरा-खांबाडा	लोकल	क्विंटल	409	6300	7000	6700
नेर परसोपंत	लोकल	क्विंटल	137	5900	6700	6130
काटोल	लोकल	क्विंटल	227	6300	7000	6900
सिंदी(सेलू)	लांब स्टेपल	क्विंटल	190	7000	7165	7100
हिंगणघाट	मध्यम स्टेपल	क्विंटल	1000	6500	7200	6900
वर्धा	मध्यम स्टेपल	क्विंटल	825	6650	7100	6850