कापसाला बाजारात किती मिळतोय दर?

जाणून घ्या आजचे कापूस बाजारभाव

यंदाच्या कापसाला योग्य बाजारभाव नसल्याने शेतकरी नाराज आहेत. त्याचबरोबर एक दोन बाजार समित्या सोडल्या तर एकाही बाजार समितीमध्ये हमीभावाएवढा दर मिळताना दिसत नाही. केंद्र सरकारने लांब धाग्याच्या कापसाला ७ हजार २० रूपये प्रतिक्विंटल दर जाहीर केला असतानाही बाजार समित्यांमध्ये एवढा दर मिळत नाही. परिणामी शेतकऱ्यांना मातीमोल दराने कापसाची विक्री करावी लागत आहे. 

दरम्यान, पणन मंडळाच्या माहितीनुसार आज बाजार समित्यांमध्ये लोकल, लांब स्टपल, मध्यम स्टेपल, एच -४ - मध्यम स्टेपल, एचकेएच - ४ - लांब स्टेपल या कापसाची आवक झाली होती. आज राळेगाव बाजार समितीमध्ये सर्वांत जास्त म्हणजे ६ हजार ५०० क्विंटल कापसाची आवक झाली होती. या ठिकाणी ६ हजार ९३० रूपये प्रतिक्विंटल एवढा सरासरी दर मिळाला असून ७ हजार २० रूपये कमाल दर मिळाला आहे. 

तर अकोला बोरगावमंजू या बाजार समितीमध्ये सर्वांत जास्त सरासरी दर ७ हजार १५० रूपये प्रतिक्विंटल एवढा मिळाला आहे. त्यापाठोपाठ मनवत बाजार समितीमध्ये ७ हजार ७५ रूपये प्रतिक्विंटल सरासरी दर मिळाला आहे. दरम्यान, वरोरा-माढेली बाजार समितीमध्ये सर्वांत कमी म्हणजे ६ हजार ४०० रूपये प्रतिक्विंटल एवढा सरासरी दर मिळाला आहे. आज बहुतांश बाजार समित्यांमध्ये साधारण ६ हजार ४०० ते ६ हजार ८०० च्या दरम्यान सरासरी दर मिळाला आहे. 

आजचे सविस्तर कापसेच दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
03/01/2024
सावनेर	---	क्विंटल	3500	6750	6775	6775
राळेगाव	---	क्विंटल	4300	6500	7020	6930
समुद्रपूर	---	क्विंटल	1001	6600	7025	6800
आष्टी (वर्धा)	ए.के.एच. ४ - लांब स्टेपल	क्विंटल	538	6000	6850	6650
पारशिवनी	एच-४ - मध्यम स्टेपल	क्विंटल	580	6750	6825	6775
अकोला	लोकल	क्विंटल	51	6830	6880	6855
अकोला (बोरगावमंजू)	लोकल	क्विंटल	93	7000	7250	7125
उमरेड	लोकल	क्विंटल	431	6600	6800	6650
मनवत	लोकल	क्विंटल	1200	6300	7125	7075
देउळगाव राजा	लोकल	क्विंटल	3150	6200	7055	6900
वरोरा-माढेली	लोकल	क्विंटल	1000	6000	6925	6400
काटोल	लोकल	क्विंटल	122	6400	6800	6700
हिंगणा	लोकल	क्विंटल	13	6625	6750	6625
सिंदी(सेलू)	लांब स्टेपल	क्विंटल	830	6550	7045	6950
हिंगणघाट	मध्यम स्टेपल	क्विंटल	1700	6100	7150	6500
हिमायतनगर	मध्यम स्टेपल	क्विंटल	123	6600	6800	6700