कांदा प्रतिक्विंटल नऊशे रुपयांवर, वाचा आजचे कांदा बाजारभाव 

गेल्या काही दिवसात सातत्याने बाजारभाव घसरत असून आज देखील शेतकऱ्यांच्या पदरी निराशाच पडल्याचे दिसून आले.

कांदा दरातील घसरण सुरूच असून कालच्या सुट्टीनंतर बाजार समित्यांमध्ये कांद्याची आवक वाढली. तर बाजारभाव देखील घसरला असून आता नऊशे रुपये प्रति क्विंटल वर येऊन पोहचला आहे.  आज लासलगाव विंचूर बाजार समितीमध्ये लाल कांद्याला 1100 रुपये तर  येवला बाजार समितीमध्ये केवळ 900 रुपये प्रति क्विंटल बाजारभाव मिळाला. त्यामुळे पुढील काही दिवसांत बाजारभावात सुधारणा होते की काय हे पाहावे लागणार आहे. 

कालच्या 26 जानेवारीच्या सुट्टीनंतर आज बाजार समित्या सुरु असून शेतमालाचे लिलाव सुरु असल्याचे पाहायला मिळाले. बाजार समित्यामध्ये कांदा लिलाव पार पडले. त्यानुसार आज कांद्याला सरासरी नऊशे रुपये बाजारभाव मिळाला. गेल्या काही दिवसात सातत्याने बाजारभाव घसरत असून आज देखील शेतकऱ्यांच्या पदरी निराशाच पडल्याचे दिसून आले. निर्यातबंदीच्या निर्णयानंतर कांदा बाजारभावात सातत्याने घसरण होत असून शेतकऱ्यांवर चिंतेचे ढग आहेत. एकीकडे सद्यस्थितीत उन्हाळ कांद्याची लागवड सुरु असताना लाल कांद्यातून भांडवल जमा करण्याच्या उद्देश डोळ्यासमोर ठेऊन शेतकरी बाजार समितीत पाउल टाकत असताना मात्र कांदा बाजारभावात घसरण शेतकऱ्यांना डोकेदुखी ठरत आहे. 

राज्य शासनाच्या स्मार्ट प्रकल्पाच्या अंतर्गत बाजार माहिती विश्लेषण व जोखीम कक्षाने दिलेला आजचा अहवालानुसार चांदवड बाजार समितीमध्ये लाल कांद्याची 10 हजार क्विंटल इतकी आवक झाली तर कमीत कमी 408 रुपये प्रतिक्विंटल दर मिळाला तर सरासरी केवळ 1050 रुपये प्रति क्विंटल दर मिळाला, तर पिंपळगाव बसवंत बाजार समिती जवळपास 10 हजार क्विंटल लाल कांद्याची आवक झाली तर केवळ कमीत कमी दर 400 रुपये मिळाला तर सरासरी 1050 रुपये प्रति क्विंटल बाजार भाव मिळाला. तर मंगळवेढा बाजार समितीत केवळ दीडशे रुपये प्रति क्विंटल भाव मिळाला. 

असे आहेत राज्यातील कांदा बाजारभाव 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
27/01/2024
कोल्हापूर	---	क्विंटल	5584	300	1500	900
अकोला	---	क्विंटल	2530	1200	1600	1400
छत्रपती संभाजीनगर	---	क्विंटल	2635	400	1500	950
चंद्रपूर - गंजवड	---	क्विंटल	487	1200	2000	1500
सोलापूर	लाल	क्विंटल	40828	100	1775	900
येवला	लाल	क्विंटल	18000	200	1151	900
अमरावती- फळ आणि भाजीपाला	लाल	क्विंटल	579	600	2000	1300
धुळे	लाल	क्विंटल	4811	100	1000	800
लासलगाव - विंचूर	लाल	क्विंटल	14200	400	1300	1100
पंढरपूर	लाल	क्विंटल	186	200	1310	1000
नागपूर	लाल	क्विंटल	1000	1000	1600	1500
सिन्नर - नायगाव	लाल	क्विंटल	905	200	1101	975
राहूरी -वांबोरी	लाल	क्विंटल	6418	100	1100	700
चांदवड	लाल	क्विंटल	10000	408	1350	1050
मनमाड	लाल	क्विंटल	4500	200	1220	800
पिंपळगाव(ब) - सायखेडा	लाल	क्विंटल	8340	400	1176	930
पेन	लाल	क्विंटल	360	3000	3200	3000
भुसावळ	लाल	क्विंटल	36	700	1200	1000
यावल	लाल	क्विंटल	1200	480	790	600
सांगली -फळे भाजीपाला	लोकल	क्विंटल	7611	300	1700	1000
पुणे -पिंपरी	लोकल	क्विंटल	4	800	800	800
पुणे-मोशी	लोकल	क्विंटल	836	300	1000	650
वडगाव पेठ	लोकल	क्विंटल	65	1000	2000	1200
मंगळवेढा	लोकल	क्विंटल	407	150	1300	900
नागपूर	पांढरा	क्विंटल	680	1200	1600	1500
पिंपळगाव बसवंत	पोळ	क्विंटल	10000	400	1510	1050