लासलगावसह नाशिक जिल्ह्यातील लिलाव सुरू; आजचे कांदा बाजारभाव असे आहेत

नाशिक जिल्ह्यात आजपासून कांदा लिलाव सुरू झाले आहेत. लासलगाव, पिंपळगावसह जिल्हयातील जवळपास सर्वच बाजारसमित्यांमध्ये कांदा आणि भुसार -धान्य लिलाव सुरू होते. आजचे कांदा बाजारभाव जाणून घेऊन या.

आज लासलगाव आणि पिंपळगाव बाजारसमितीमध्ये १३ दिवसांच्या खंडांनंतर कांदा लिलाव पुन्हा सुरू झाले आहेत. लासलगावसह पिंपळगाव बसवंत, कळवण,अभोणा, कनाशी, देवळा, सटाणा, नामपूर, उमराणे, सिन्नर, येवला, सायखेडा या ठिकाणचे कांद्यासह धान्य लिलावही सुरू झाले असल्याचे समजते.

व्यापाऱ्यांनी काल संप मागे घेतल्याने आज दिनांक ३ ऑक्टोबर पासून लिलाव पुन्हा सुरू झाले आहेत. तत्पूर्वी विंचूर आणि निफाड उपबाजारातकांदा लिलाव सुरू होते, तसेच धान्याचे लिलावही सुरू होते.

अनंत चतुर्दशीपासून लासलगावची उपबाजार समिती असलेल्या विंचूर बाजारसमितीत कांदा व्यवहार सुरू करण्याचा निर्णय स्थानिक व्यापाऱ्यांनी घेतला होता. त्यानंतर या ठिकाणी दररोज विक्रमी कांदा आवक होत होती. त्यामुळे बाजारालगत असलेल्या नाशिक-संभाजीनगर महामार्गावर शेतकऱ्यांच्या वाहनांच्या रांगा लागत असल्याचे चित्र पाहायला मिळाले.

विंचूरचे कांदा बाजारभाव 
आज ३ ऑक्टोबर रोजी सकाळच्या सत्रात लासलगावची उपबाजारसमिती असलेल्या विंचूर बाजारसमितीत ९३९ नगांची आवक झाली. कमी कांदा बाजारभाव ८०० रुपये प्रति क्विंटल, जास्तीत जास्त २५०० तर सरासरी २०५० रुपये प्रति क्विंटल आहेत, अशी माहिती संचालक पंढरीनाथ थोरे यांनी दिली.

लासलगावचे कांदा बाजारभाव
लासलगाव येथे सकाळच्या पहिल्या सत्रात ५४५ नग उन्हाळ कांद्याची आवक झाली. कमीत कमी दर ८००रु, जास्तीत जास्त २५४१, तर सरासरी २०५१ रुपये प्रति क्विंटल असे कांदा बाजार भाव सकाळच्या सत्रात होते.

लासलगाव येथील लिलावांसाठी शेतकऱ्यांनी अशी गर्दी केली होती.

पिंपळगावचे कांदा बाजारभाव 
पिंपळगाव बाजारसमितीत आज सकाळी ४५०० क्विंटल कांदा लिलावाचे व्यवहार झाले. उन्हाळी कांद्याला किमान ९०० जास्तीत जास्त २५०१ आणि सरासरी २२०० रुपयांचा बाजार भाव मिळाला.

दरम्यान  नाशिक व्यतिरिक्त राज्यातील इतर बाजारसमित्यांमध्ये कांदा दर काय होते, याची माहिती पुढीलप्रमाणे आहे.

शेतमाल : कांदा

दर प्रती युनिट (रु.)

बाजार समिती	जात/प्रत	आवक	कमीत कमी दर	जास्तीत जास्त दर	सर्वसाधारण दर
कोल्हापूर	---	2679	1000	2700	1800
मुंबई - कांदा बटाटा मार्केट	---	13586	1000	2400	1700
कराड	हळवा	150	1500	2300	2300
सोलापूर	लाल	15990	100	3500	1700
जळगाव	लाल	479	750	2200	1500
नागपूर	लाल	1240	2000	3000	2750
पेन	लाल	360	3000	3200	3000
पुणे	लोकल	14047	900	2500	1700
पुणे- खडकी	लोकल	8	1200	2300	1750
पुणे -पिंपरी	लोकल	7	1700	2600	1950
पुणे-मोशी	लोकल	571	700	2000	1350
कामठी	लोकल	11	2000	3000	2500
कल्याण	नं. १	3	2200	2400	2300
सोलापूर	पांढरा	278	200	4400	2400
नागपूर	पांढरा	1000	3000	4000	3750
लासलगाव - विंचूर	उन्हाळी	5000	800	2500	2050
सिन्नर - नायगाव	उन्हाळी	396	500	2350	2000
मनमाड	उन्हाळी	1500	500	2350	2000
पिंपळगाव बसवंत	उन्हाळी	4500	900	2501	2200
भुसावळ	उन्हाळी	23	1300	2000	1800