कांदा उत्पादक शेतकरी हतबल, कांदा भावात घसरण सुरूच!

कांदा निर्यातबंदी निर्णयानंतर हा सलग तिसरा आठवडा असून आजच्या दिवशी देखील कांदा दरात घसरण सुरूच आहे.

कांदा उत्पादक शेतकरी हतबल झाला असून एकीकडे कांदा दरात झालेली घसरण दुसरीकडे उन्हाळ कांद्याची लागवड सुरु आहे. मात्र कांदा रोपे देखील महाग झाल्याचे चित्र आहे. केंद्राच्या कांदा निर्यातबंदी निर्णयानंतर हा सलग तिसरा आठवडा असून आजच्या दिवशी देखील कांदा दरात घसरण सुरूच आहे. नाशिकच्या  पिंपळगाव बसवंत बाजार समितीमध्ये आज उन्हाळा कांद्याला सरासरी 1600 रुपये क्विंटलचा भाव मिळाला. 

केंद्राच्या कांदा निर्यातबंदीनंतर शेतकऱ्यांचे कंबरडे मोडले आहे. एकीकडे शेतकरी दिवसरात्र काबाड कष्ट करून शेतात कांदा पिकवत असताना कवडीमोल भाव मिळत असल्याने शेतकऱ्यांना आर्थिक फटका बसत आहे. आज नाशिक जिल्ह्यातील महत्वाची बाजार पेठ असलेल्या लासलगाव बाजार समितीत लाल कांद्याला 1725 रुपये प्रति क्विंटल भाव मिळाला. तर काल याच बाजारसमितीत 1800 रुपये दर मिळत होता. म्हणजेच आज पुन्हा 75 रुपयांनी कांदा घसरल्याचे निदर्शनास आले. त्यामुळे हळूहळू भाव वाढण्याऐवजी भाव घसरत असल्याने शेतकऱ्यांचे आर्थिक नुकसान होत आहे. 

कांदा दरात घसरण सुरूच - दरम्यान आज सकाळी लासलगावच्या विंचूर उपबाजारसमितीत झालेल्या कांदा लिलावांत लाल कांद्याला कमीत कमी 751 रुपये रुपये प्रति क्विंटल असा दर मिळाला, तर सरासरी केवळ 1725 रुपये दर मिळाला.

- पिंपळगाव बसवंत बाजारसमितीत पोळ कांद्याला कमीत कमी 800 हजार रुपये दर मिळाला. उन्हाळी कांद्याची आवक आता बाजारसमित्यांमधून जवळपास घटत चालली असून दिवसाकाठी अवघे दीडशे ते दोनशे क्विटल उन्हाळी कांदा बाजारसमित्यांत दाखल होत आहे. पिंपळगावला उन्हाळ कांद्याला सरासरी 1600 रुपये प्रति क्विंटल असा दर मिळाला. 

आज सकाळी झालेल्या लिलावादरम्यान सिन्नर - नायगाव बाजारसमितीत 311 क्विंटल लाल कांदा दाखल झाला. त्याला कमीत कमी म्हणजे 500 रुपये प्रति क्विंटल दर मिळाला, तर सरासरी 1800 रुपये प्रति किटल दर मिळाला.

राज्यातील आजचे कांदा बाजारभाव जाणून घ्या.. 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
23/12/2023
कोल्हापूर	---	क्विंटल	8008	500	2500	1500
छत्रपती संभाजीनगर	---	क्विंटल	2631	500	1800	1150
चंद्रपूर - गंजवड	---	क्विंटल	640	2250	3000	2500
लासलगाव - विंचूर	लाल	क्विंटल	11800	751	1900	1725
धाराशिव	लाल	क्विंटल	14	1400	2000	1700
पंढरपूर	लाल	क्विंटल	187	200	3000	1800
सिन्नर - नायगाव	लाल	क्विंटल	311	500	1900	1800
मनमाड	लाल	क्विंटल	2000	500	1848	1600
पेन	लाल	क्विंटल	261	3000	3200	3000
भुसावळ	लाल	क्विंटल	24	1000	1500	1200
पुणे -पिंपरी	लोकल	क्विंटल	1	1600	1600	1600
पुणे-मोशी	लोकल	क्विंटल	482	300	1600	950
शेवगाव	नं. १	नग	750	1600	2000	2000
शेवगाव	नं. २	नग	700	1000	1400	1000
शेवगाव	नं. ३	नग	328	300	900	900
पिंपळगाव बसवंत	पोळ	क्विंटल	8500	800	2201	1751
कळवण	उन्हाळी	क्विंटल	375	1200	1700	1300
पिंपळगाव बसवंत	उन्हाळी	क्विंटल	380	700	1951	1600