Onion market price on National onion day आज २७ जून रोजी राष्ट्रीय कांदा दिन आहे. मात्र उन्हाळी कांद्याला चांगला दर मिळेल या अपेक्षेने आज लासलगाव, पिंपळगाव बसवंत बाजारसमितीतकांदा घेऊन आलेल्या शेतकऱ्यांना बाजारभावामुळे अल्प प्रमाणात नाराजीचा सामना करावा लागला.
मागच्या तीन ते चार दिवसांपूर्वी सरासरी ३२०० रुपये प्रति क्विंटलपर्यंत पोहोचलेले कांद्याचे बाजारभाव कालपासून उतरणीला लागले असून आज लासलगाव बाजार समितीत सकाळच्या सत्रातील लिलावात उन्हाळी कांद्याला सरासरी २९०० रुपये दर मिळाला. पिंपळगाव बाजारसमितीत कांद्याला सरासरी लासलगाव इतकाच म्हणजे २९०० रुपये प्रति क्विंटल बाजार भाव मिळाला.
एनसीसीएफने या आठवड्यात कांद्याचे खरेदी दर २९४० रुपये प्रति क्विंटल जाहीर केले आहेत. या दरापेक्षा बाजारसमित्यांमधील दर काहीसे कमी आहेत. नाफेड आणि एनसीसीएफचे दर स्थानिक बाजारपेठेत मिळणाऱ्या दरांप्रमाणेच असल्याने एक वेगळा योगायोग निर्माण झाला आहे. त्यामुळे नाफेड आणि एनसीसीएफच्या दराचा बाजारसमित्यांमधील कांदा भावात घसरण होण्यावर परिणाम तर नाही ना झाला? असाही प्रश्न उपस्थित होताना दिसतोय.
नाफेड आणि स्थानिक बाजारसमित्यांमधील कांद्याच्या दराचा दूरदूरपर्यंत संबंध नाही. सध्या बाजारभावात जी घसरण आहे, ती कांदा व्यापाऱ्यांना उत्तरेकडील बाजारांत मिळालेल्या कमी भावामुळे असल्याचे समजत आहे. नाफेडच्या खरेदीवर शेतकऱ्यांचा विश्वास नसल्याने त्यांची खरेदीही कमी झाली आहे. त्यामुळे त्यांच्या किंमतीचा स्थानिक किंमतीवर परिणाम होणे अशक्य आहे.- भारत दिघोळे, अध्यक्ष, महाराष्ट्र कांदा उत्पादक शेतकरी संघटना
राज्यातील सकाळच्या सत्राचे कांदा लिलाव दर
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 27/06/2024 | ||||||
| मुंबई - कांदा बटाटा मार्केट | --- | क्विंटल | 6818 | 2500 | 3200 | 2850 |
| खेड-चाकण | --- | क्विंटल | 400 | 2000 | 3000 | 2500 |
| पुणे | लोकल | क्विंटल | 8282 | 1000 | 3000 | 2000 |
| पुणे -पिंपरी | लोकल | क्विंटल | 2 | 2700 | 2900 | 2800 |
| पुणे-मोशी | लोकल | क्विंटल | 771 | 1200 | 2500 | 1850 |
| कामठी | लोकल | क्विंटल | 6 | 3000 | 4000 | 3500 |
| कल्याण | नं. १ | क्विंटल | 3 | 2500 | 3000 | 2750 |
| येवला | उन्हाळी | क्विंटल | 5000 | 1300 | 2865 | 2550 |
| लासलगाव | उन्हाळी | क्विंटल | 3876 | 1000 | 3100 | 2900 |
| लासलगाव - विंचूर | उन्हाळी | क्विंटल | 6500 | 1000 | 3212 | 2900 |
| मनमाड | उन्हाळी | क्विंटल | 1605 | 890 | 3131 | 2750 |
| पिंपळगाव बसवंत | उन्हाळी | क्विंटल | 17100 | 700 | 3560 | 2900 |