कापसाला मिळालेला दर म्हणजे वरातीमागून घोडे! आज मिळाला 'एवढा' दर

राज्यात आज कापसाला किती दर मिळाला हे सविस्तर जाणून घ्या

यंदा कापसाच्या हंगामातला पहिला महिना सोडला तर कापसाच्या दराने शेतकऱ्यांच्या मानगुटीवर पाय ठेवल्यासारखं चित्र आहे. अनेक शेतकऱ्यांनी दर मिळण्याच्या अपेक्षेने मागच्या हंगामातील कापूस साठवून ठेवला होता पण अपेक्षित दर न मिळाल्याने शेतकऱ्यांच्या स्वप्नावर पाणी फिरले आहे. पण सध्या कापसाचे दर सुधारल्याचं दिसून येत असून अनेक ठिकाणचे दर हे ७ हजारांच्या वर गेले आहेत. वाढलेले हे दर शेतकऱ्यांना फायद्याचे नसून शेतकऱ्यांकडे असेलला जवळपास ९० टक्के कापसाची विक्री व्यापाऱ्यांना झालेली आहे म्हणून वाढलेले हे दर शेतकऱ्यांसाठी 'वरातीमागून घोडे'च आहेत.

दरम्यान, आज लोकल आणि मध्यम स्टेपल कापसाची आवक झाली होती. त्यामध्ये पुलगाव, हिंगणघाट, वरोरा, मनवत आणि सावनेर बाजार समितीमध्ये आजच्या दिवसातील जास्त कापसाचीआवक झाली होती. तर इतर बाजार समित्यांमध्ये केवळ १०० क्विंटलच्या आत तर काही बाजार समित्यांमध्ये १००० क्विंटलपेक्षा कमी पावसाची आवक झाली होती. आज मनवत बाजार समितीमध्ये सर्वांत जास्त म्हणजे ७ हजार ६७५ रूपये प्रतिक्विंटल सरासरी दर मिळाला असून या बाजार समितीमध्ये ३ हजार १०० क्विंटल कापसाची आवक झाली होती.

तर आज हिंगणघाट बाजार समितीमध्ये सर्वांत कमी म्हणजे ६ हजार ५०० रूपये प्रतिक्विंटल सरासरी दर मिळाला असून या बाजार समितीमध्ये ८ हजार क्विंटल कापसाची आवक झाली होती. सध्या कापसाच्या दरात तेजी दिसत असली तर अनेक शेतकऱ्यांनी दर वाढण्याच्या अपेक्षेमुळे ठेवलेला कापूस कमी दरात व्यापाऱ्यांना विक्री केला आहे. त्यामुळे या दराचा खूप कमी शेतकऱ्यांना फायदा होणार आहे.

आजचे सविस्तर कापसाचे दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
04/03/2024
अमरावती	---	क्विंटल	75	7150	7250	7200
सावनेर	---	क्विंटल	3700	6900	7000	6960
मौदा	---	क्विंटल	160	6800	7150	6975
अकोला	लोकल	क्विंटल	52	7350	7550	7450
मनवत	लोकल	क्विंटल	3100	6600	7720	7675
देउळगाव राजा	लोकल	क्विंटल	800	7000	7730	7450
वरोरा	लोकल	क्विंटल	1561	6000	7400	6800
वरोरा-खांबाडा	लोकल	क्विंटल	753	6000	7400	6800
नेर परसोपंत	लोकल	क्विंटल	2	6800	6800	6800
काटोल	लोकल	क्विंटल	185	6400	7100	6900
हिंगणा	लोकल	क्विंटल	74	6800	7150	7100
हिंगणघाट	मध्यम स्टेपल	क्विंटल	8000	6000	7635	6500
वर्धा	मध्यम स्टेपल	क्विंटल	750	6550	7550	7120
पुलगाव	मध्यम स्टेपल	क्विंटल	4800	5800	7465	7300