Todays Cotton Rates : सध्या कापसाला किती मिळतोय दर? जाणून घ्या सविस्तर

राज्यभरातील कापसाला आज किती दर मिळाला यासंदर्भात जाणून घेऊयात.

कापसाच्या दराने यंदा शेतकऱ्यांची निराशा केली आहे. तर काही शेतकऱ्यांनी मागच्या हंगामातील कापूस साठवून ठेवला असून त्यांच्या कापसाला अजूनही दर नसल्याने शेतकरी हवालदिल झाले आहेत. तर सीसीआय आणि पणन महासंघाकडूनही कापसाची खरेदी मोठ्या प्रमाणावर सुरू नाही. पण मागच्या दीड ते दोन महिन्याचा विचार केला तर सध्या कापसाच्या दराचा आलेख काहीसा सुधारल्याचं चित्र आहे. 

दरम्यान, आज बाजारात एच.के.एच. ४ - लांब स्टेपल, एच-४ - मध्यम स्टेपल, हायब्रीड, मध्यम स्टेपल आणि लोकल कापसाची आवक झाली होती. त्यामध्ये हिंगणघाट, वरोरा-खांबाडा, वरोरा, देऊळगाव राजा, परभणी, मारेगाव आणि राळेगाव बाजार समितीमध्ये मोठ्या प्रमाणावर कापसाची आवक झाली होती. तर हिंगणघाट बाजार समितीमध्ये आजच्या दिवसातील सर्वांत जास्त म्हणजे १० हजार क्विंटल कापसाची आवक झाली होती. येथे कापसाला केवळ ६ हजार ५०० रूपये सरासरी दर मिळाला असून हा दर आजच्या दिवसातील निच्चांकी सरासरी दर होता. 

तर आज देऊळगाव राजा येथे आज ७ हजार ३७५ रूपये प्रतिक्विंटल सरासरी दर मिळाला असून हा दर आजच्या दिवसातील उच्चांकी दर होता. तर परभणी बाजार समितीमध्ये त्यापाठोपाठ ७ हजार ३५० रूपये प्रतिक्विंटल सरासरी दर मिळाला आहे.

आजचे कापसाचे सविस्तर दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
23/02/2024
अमरावती	---	क्विंटल	94	6950	7050	7000
राळेगाव	---	क्विंटल	5500	6650	7350	7200
आष्टी (वर्धा)	ए.के.एच. ४ - लांब स्टेपल	क्विंटल	439	6200	7050	6800
मारेगाव	एच-४ - मध्यम स्टेपल	क्विंटल	1270	6850	7050	6950
पारशिवनी	एच-४ - मध्यम स्टेपल	क्विंटल	849	6550	6825	6700
परभणी	हायब्रीड	क्विंटल	2150	7000	7485	7350
अकोला	लोकल	क्विंटल	97	7000	7180	7090
अकोला (बोरगावमंजू)	लोकल	क्विंटल	155	7000	7306	7153
उमरेड	लोकल	क्विंटल	529	6600	7160	6850
देउळगाव राजा	लोकल	क्विंटल	2423	7000	7605	7375
वरोरा	लोकल	क्विंटल	3415	6000	7171	6600
वरोरा-खांबाडा	लोकल	क्विंटल	1209	6200	7100	6700
काटोल	लोकल	क्विंटल	165	6600	6900	6800
हिंगणघाट	मध्यम स्टेपल	क्विंटल	10000	6000	7370	6500