कापसाच्या दराने यावर्षी शेतकऱ्यांची निराशा केली असून कापसाला हमीभावापेक्षा १ हजार रूपयांपर्यंत कमी दर मिळताना दिसत आहे. तर यामुळे शेतकऱ्यांना आपला माल मातीमोल दरात विक्री करावा लागत आहे. मागच्या एका आठवड्यापासून कापसाचे दर वाढण्याची चिन्हे दिसत असून काही बाजार समितीमध्ये आज हमीभावापेक्षा काहीसा जास्त दर मिळाला आहे.
दरम्यान, आज एच-४-मध्यम स्टेपल, लोकल, मध्यम स्टेपल या कापसाची आवक झाली होती. त्यामध्ये सिंदी-सेलू, पुलगाव, वर्धा आणि देऊळगाव राजा या बाजार समितीमध्ये मोठ्या प्रमाणात कापसाची आवक झाली होती. त्यामध्ये पुलगाव बाजार समितीमध्ये ६ हजार ५५० क्विंटल कापूस आला होता. या ठिकाणी ७ हजार १०० रूपये सरासरी दर मिळाला आहे. तर देऊळगाव राजा बाजार समितीमध्ये आजच्या दिवसातील उच्चांकी म्हणजे ७ हजार ३७५ रूपये सरासरी दर मिळाला आहे.
यावल बाजार समितीमध्ये आज ६ हजार ३१० रूपये प्रतिक्विंटल एवढा सरासरी दर मिळाला असून हा दर आजच्या दिवसातील निच्चांकी सरासरी दर होता. आज अकोला, अकोला-बोरगावमंजू, देऊळगावा राजा आणि पुलगाव बाजार समित्यांमध्ये ७ हजारांपेक्षा जास्त सरासरी दर मिळाला आहे.
आजचे सविस्तर कापसाचे दर
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 22/02/2024 | ||||||
| अमरावती | --- | क्विंटल | 90 | 6900 | 7000 | 6950 |
| भद्रावती | --- | क्विंटल | 456 | 6600 | 7000 | 6800 |
| मौदा | --- | क्विंटल | 250 | 6550 | 6825 | 6725 |
| पारशिवनी | एच-४ - मध्यम स्टेपल | क्विंटल | 696 | 6600 | 6825 | 6700 |
| अकोला | लोकल | क्विंटल | 103 | 7000 | 7011 | 7006 |
| अकोला (बोरगावमंजू) | लोकल | क्विंटल | 145 | 7200 | 7400 | 7300 |
| उमरेड | लोकल | क्विंटल | 420 | 6500 | 7080 | 6800 |
| देउळगाव राजा | लोकल | क्विंटल | 2500 | 6600 | 7405 | 7375 |
| काटोल | लोकल | क्विंटल | 175 | 6600 | 6900 | 6750 |
| वर्धा | मध्यम स्टेपल | क्विंटल | 1500 | 6500 | 7200 | 6850 |
| यावल | मध्यम स्टेपल | क्विंटल | 230 | 6070 | 6650 | 6310 |
| पुलगाव | मध्यम स्टेपल | क्विंटल | 6550 | 5600 | 7300 | 7100 |
| सिंदी(सेलू) | मध्यम स्टेपल | क्विंटल | 3000 | 6400 | 7350 | 6800 |
| फुलंब्री | मध्यम स्टेपल | क्विंटल | 268 | 6675 | 7000 | 6850 |