देशातील कांदाबाजारभाव नियंत्रणात राहावेत या उद्देशाने केंद्र सरकारने कांदा निर्यात बंदीचा निर्णय घेतला असून आजपासून या निर्णयाची अंमलबजावणी सुरू झाली. त्यामुळे अनेक बाजारसमित्यांतील लिलाव व्यापाऱ्यांनी बंद ठेवले, तर काही ठिकाणी बाजारभावांत हजार ते पंधराशे रुपयांनी घसरले, त्याचा फटका शेतकऱ्यांना बसला.
आज लासलगावच्या विंचूर उप बाजारसमितीत सकाळच्या सत्रात १४५ नग उन्हाळ कांद्याची आवक झाली, तर ३६७ नग लाल कांद्याची आवक झाली. उन्हाळ कांद्याला कमीत कमी २००० हजार रुपये, तर सरासरी ३४०० रुपये प्रति क्विंटल बाजारभाव मिळाला. लाल कांद्याला कमीत कमी १ हजार व सरासरी २५०० रुपये प्रति क्विंटल दर मिळाला. विंचूर, मनमाड आणि निफाड बाजारसमित्यांमध्ये आज लिलाव सुरू होते. तर लासलगाव, पिंपळगावसह मालेगाव परिसरातील कांद्याच्या बाजारसमित्यांमध्ये लिलाव बंद ठेवण्यात आले होते.
कांदा निर्यातबंदीसाठी नाशिकचे कृषी अधिकारी व यंत्रणा कारणीभूत?
निर्यात बंदीचा निषेध करण्यासाठी अनेक ठिकाणी शेतकऱ्यांनी कांदा बाजारसमित्यांमध्ये आणला नाही. तर चांदवड येथे शेतकऱ्यांनी रास्ता रोकोही केला.
आजचे कांदा बाजारभाव असे आहेत
| बाजार समिती | जात/प्रत | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|
| कोल्हापूर | --- | 4499 | 1500 | 4600 | 3000 |
| अकोला | --- | 1027 | 2500 | 4000 | 3500 |
मुंबई - कांदा बटाटा मार्केट | --- | 10693 | 2700 | 4300 | 3500 |
| दौंड-केडगाव | --- | 523 | 2000 | 5000 | 3700 |
| लासलगाव - विंचूर | लाल | 5600 | 1000 | 3300 | 2500 |
सांगली - फळे भाजीपाला | लोकल | 2910 | 900 | 4000 | 2450 |
| पुणे | लोकल | 10505 | 2000 | 4800 | 3400 |
| पुणे- खडकी | लोकल | 1 | 3500 | 3500 | 3500 |
| पुणे -पिंपरी | लोकल | 11 | 3000 | 5000 | 4000 |
| पुणे-मोशी | लोकल | 363 | 1000 | 3500 | 2250 |
| कामठी | लोकल | 22 | 3500 | 4500 | 4000 |
| कल्याण | नं. १ | 3 | 4500 | 5500 | 5000 |
| मनमाड | उन्हाळी | 750 | 1000 | 3050 | 2600 |
| भुसावळ | उन्हाळी | 17 | 2300 | 3000 | 2500 |
| राहता | उन्हाळी | 1462 | 1000 | 4100 | 2950 |