आजचे कांदा बाजारभाव काय आहेत? लासलगाव-पिंपळगावला आज किती भाव मिळाला?

मागील काही दिवसांपासून बाजारसमित्यांमध्ये लाल कांद्याची आवक वाढली आहे, तर उन्हाळी कांद्याचा हंगाम आता संपत आला आहे. आज दिनांक २९ डिसेंबर रोजी राज्यातील प्रमुख बाजारसमित्यांमध्ये कांदा बाजारभाव असे आहेत.

आज दिनांक २९ डिसेंबर २३ रोजी लासलगावची उपबाजार समिती असलेल्या विंचूर बाजारसमितीत लाल कांद्याच्या ४२६ नगांची आवक झाली. तर पिंपळगाव बसवंत बाजारसमितीत लाल कांद्याची सकाळच्या सत्रात ४०४ नग आवक झाली. विंचूर उपबाजारसमितीत लाल कांद्याला कमीत कमी ७०० रुपये प्रति क्विंटल, तर सरासरी १५०० रुपये प्रति क्विंटल बाजारभाव मिळाला.

पिंपळगाव बसवंत बाजारसमितीत लाल कांद्याला कमीत कमी ९०० रुपये प्रति क्विंटल, तर सरासरी १६५० रुपये प्रति क्विंटल इतका बाजारभाव मिळाला.  याच बाजारसमितीत गोल्टी कांद्याला कमीत कमी ३०० रुपये तर सरासरी ६५० रुपये प्रति क्विंटल इतका बाजारभाव मिळाला.

राज्यातील प्रमुख बाजारसमित्यांमध्ये सकाळच्या सत्रात मिळालेले कांदा बाजारभाव पुढीलप्रमाणे आहेत.

बाजार समिती	जात/प्रत	आवक	कमीत कमी दर	जास्तीत जास्त दर	सर्वसाधारण दर
खेड-चाकण	---	250	1000	2000	1500
येवला	लाल	10000	400	1580	1400
येवला -अंदरसूल	लाल	8000	350	1626	1450
लासलगाव	लाल	7088	700	1651	1551
लासलगाव - विंचूर	लाल	8500	700	1680	1500
कळवण	लाल	6000	400	1900	1250
मनमाड	लाल	4100	500	1603	1400
दिंडोरी-वणी	लाल	2847	1301	2102	1601
पुणे -पिंपरी	लोकल	7	1500	1700	1600
कामठी	लोकल	32	3000	3400	3200
कळवण	उन्हाळी	675	200	2035	1401