सोयाबीनचे बाजारभाव पुन्हा घसरले, लातूरसह प्रमुख बाजारांत असे आहेत दर

सोयाबीनचे बाजारभाव पुन्हा घसरत आहेत. आज दिनांक ८ जानेवारी २४ रोजी लातूरसह राज्यातील प्रमुख बाजारसमित्यांमध्ये सोयाबीनचे बाजारभाव जाणून घेऊ यात.

राज्यात आज दिनांक ८ जानेवारी २३ रोजी संभाजीनगर बाजारसमितीतसोयाबीनचे कमीत कमी बाजारभाव ४३५० रुपये तर सरासरी ४४२८ रुपये प्रति क्विंटल असे आहेत.

दरम्यान या आठवड‌्यात सोयाबीनचा दर पुन्हा उतरला असून सर्वसाधारण चार हजार ५०० रुपये प्रति क्विंटल झाला आहे. यावर्षीच्या हंगामामध्ये सोयाबीनला दर मिळेल, अशी आशा शेतकऱ्यांना होती; परंतु ती फोल ठरली आहे. 

गेल्या आठवड्यात पाच हजार रुपये प्रति क्विंटलपर्यंत होता. आता पाच हजार रुपयांच्या आत प्रतिक्विंटल दर आल्याने सोयाबीन उत्पादक शेतकऱ्यांची चिंता वाढली आहे. साठवून ठेवलेल्या सोयाबीनला दर मिळेल की नाही, अशी चिंता त्यांना भेडसावत आहे.

लातूर जिल्ह्यामध्ये सोयाबीनचे क्षेत्र मोठ्या प्रमाणात आहे. ऊस आणि सोयाबीन या पिकाकडे शेतकऱ्यांचा कल मोठ्या प्रमाणात वाढलेला आहे. गतवर्षी चांगला पाऊस झाला नसल्यामुळे उसाचे क्षेत्र कमी होऊन पुन्हा सोयाबीनच्या क्षेत्रामध्ये वाढ होऊ शकते; परंतु, दर चांगला मिळत नसल्यामुळे अन्य पीक घ्यावे का, असा विचार आता शेतकऱ्यांमध्ये सुरू झालेला आहे. 

लातूरच्या कृषी उत्पन्न बाजार समितीच्या मार्केट यार्डमध्ये शुक्रवारी १०७०४ क्विंटल सोयाबीनचे आवक होती त्याला सर्वसाधारण दर चार हजार सातशे रुपये कमाल तर किमान चार हजार सहाशे रुपये प्रतिक्विंटल दर होता. हा दर गेल्या आठवड्याच्या तुलनेत कमी आहे. 

पिकांच्या व्यवस्थापनापासून ते योजनापर्यंत, कृषि विषयक सर्व अपडेट्ससाठी लोकमत ॲग्रो चा व्हॉट्सअ‍ॅप ग्रुप जॉईन करा…

दिवसेंदिवस सोयाबीनच्या दरामध्ये उतराई होत आहे. त्यामुळे नगदी पीक असणारे सोयाबीन घ्यावे की न घ्यावे, असा विचार आता शेतकऱ्यांच्या मनामध्ये डोकावत आहे. दीड दोन वर्षांपूर्वी ११ हजार रुपये क्विंटल सोयाबीनचा दर गेला होता. त्यानंतर सात हजारांपर्यंत दर होता. मागच्या महिन्यात साडेपाच हजार रुपये होता. आता ४७०० प्रतिक्विंटल दर आहे.

राज्यात आज दिनांक ८ जानेवारी २३ रोजी सोयाबीनचे बाजारभाव असे आहेत.

बाजार समिती	जात/प्रत	आवक	कमीत कमी दर	जास्तीत जास्त दर	सर्वसाधारण दर
छत्रपती संभाजीनगर	---	47	4350	4533	4428
कारंजा	---	4000	4450	4670	4590
तुळजापूर	---	175	4625	4625	4625
चोपडा	लोकल	50	4212	4591	4501
नागपूर	पांढरा	305	4200	4600	4500
अकोला	पिवळा	2622	4295	4675	4600
यवतमाळ	पिवळा	659	4400	4620	4510
चिखली	पिवळा	900	4300	4751	4525
वाशीम	पिवळा	3000	4475	4625	4550
वाशीम - अनसींग	पिवळा	600	4550	4650	4600
भोकर	पिवळा	26	4000	4550	4275
हिंगोली- खानेगाव नाका	पिवळा	274	4500	4600	4550
तळोदा	पिवळा	3	4000	4200	4100
नांदगाव	पिवळा	5	4620	4651	4650
आंबेजोबाई	पिवळा	260	4640	4700	4650
अहमहपूर	पिवळा	2907	3500	4675	4586
हिमायतनगर	पिवळा	32	4450	4550	4500
पाथरी	पिवळा	21	4500	4551	4550
बार्शी - टाकळी	पिवळा	153	4680	4800	4720
उमरखेड-डांकी	पिवळा	110	4600	4650	4620
चिमुर	पिवळा	70	4900	5000	4950
सिंदी(सेलू)	पिवळा	651	4000	4600	4510