राज्यात सध्या हळदीला क्विंटलमागे चांगला भाव मिळत असून क्विंटलमागे १३ ते १४ हजार रुपयांचा भाव मिळत आहे. दरम्यान आज सांगलीत राजापूरी हळदीला चांगला भाव मिळत असून क्विंटलमागे १८ हजार ५२५ रुपयांचा दर मिळाला.
महाराष्ट्रात हळदीची आवक गेल्या काही दिवसांपासून वाढली असून बाजारसमितींमध्ये वाहनांच्या रांगा लागत आहेत. दरही चांगला मिळत असल्याने शेतकऱ्यांचा हळदविक्रीकडे मोठा कल आहे.
नवीनतम बाजार दरांनुसार राज्यात हळदीची सरासरी किंमत १४७८० रुपये प्रतिक्विंटल असून कमीत कमी १३७०० रुपयांचा भाव सुरु आहे.१७ एप्रिल रोजी हिंगोलीत हळदीला सर्वसाधारण १४ हजार ७८० रुपयांचा भाव मिळाला. तो आता १६ हजार २५० रुपये क्विंटल असा आहे.
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 20/04/2024 | ||||||
| सांगली | राजापुरी | क्विंटल | 8608 | 15000 | 22050 | 18525 |
| 19/04/2024 | ||||||
| हिंगोली | --- | क्विंटल | 2805 | 15000 | 17500 | 16250 |
| वाशीम | लोकल | क्विंटल | 3000 | 13500 | 17200 | 15000 |
| मुंबई | लोकल | क्विंटल | 65 | 16000 | 22000 | 19000 |
| बसमत | लोकल | क्विंटल | 1372 | 13200 | 17800 | 15500 |
| सांगली | राजापुरी | क्विंटल | 12855 | 15300 | 23500 | 19400 |