कापसानेही केली निराशा! दर अजूनही तळालाच; जाणून घ्या आजचे भाव

कापसाला अपेक्षित दर मिळत नसल्याने शेतकरी नाराजी व्यक्त करत आहेत.

आंतरराष्ट्रीय स्तरावर कापसाचे उत्पादन घटल्यामुळे कापसाचे दर चढे राहतील अशी अपेक्षा होती पण कापसाच्या दरानेही शेतकऱ्यांची निराशा केली आहे. हमीभावापेक्षा कमी दराने शेतकऱ्यांना कापूस विक्री करावी लागत आहे. किरकोळ बाजारात ७ हजारांपेक्षा जास्त दर मिळत असल्याचं चित्र आहे. 

दरम्यान, आज राज्यातील कापसाचे दर ६ हजार ५०० रूपयांपर्यंत खाली आल्याचं चित्र आहे. कापसाची आणि तुरीची बाजारातील आवक वाढली असून ओला कापूसही संपला आहे. त्यामुळे सध्या आवक होत असलेला कापूस हा उत्तम प्रतीचा असूनही दर कमीच आहेत. आज अकोला (बोरगावमंजू) बाजार समितीत सर्वांत जास्त ७ हजार २१९ रूपये दर मिळाला तर संगमनेर बाजार समितीत ६ हजार ५०० रूपये एवढा सर्वांत कमी सरासरी दर मिळाला आहे. राज्यातील सरासरी दराचा विचार केला तर ६ हजार ८०० रूपये ते ६ हजार ९०० रूपये दर मिळाला आहे. 

अमेरिका, ब्राझीलसारख्या देशांतील कापसाचे उत्पादन कमी झाले आहे. त्याचबरोबर भारतातही पावसामुळे कापूस उत्पादन कमी होत असल्यामुळे यंदा कापसाचे दर वाढतील अशी अपेक्षा होती. कापसाचे दर १० हजाराचा टप्पा ओलांडतील अशी अपेक्षा असताना ७ हजारांच्या आसपास कापूस विक्री करावा लागत आहे. 

आजचे कापसाचे सविस्तर दर 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
06/12/2023
संगमनेर	---	क्विंटल	150	6000	7000	6500
सावनेर	---	क्विंटल	2100	6800	6850	6850
राळेगाव	---	क्विंटल	2800	6500	7080	6850
भद्रावती	---	क्विंटल	139	6800	7000	6900
धारणी	ए.के.एच. ४ - लांब स्टेपल	क्विंटल	100	6700	6800	6750
आर्वी	एच-४ - मध्यम स्टेपल	क्विंटल	1395	7000	7050	7030
पारशिवनी	एच-४ - मध्यम स्टेपल	क्विंटल	320	6800	6850	6825
अकोला	लोकल	क्विंटल	102	7000	7100	7050
अकोला (बोरगावमंजू)	लोकल	क्विंटल	126	7000	7438	7219
मनवत	लोकल	क्विंटल	1850	7050	7230	7175
देउळगाव राजा	लोकल	क्विंटल	1200	7000	7160	7100
वरोरा	लोकल	क्विंटल	1372	6200	7061	6800
वरोरा-खांबाडा	लोकल	क्विंटल	482	6700	7000	6850
सिंदी(सेलू)	लांब स्टेपल	क्विंटल	365	6800	7175	7100
हिंगणघाट	मध्यम स्टेपल	क्विंटल	2500	6500	7190	6800
यावल	मध्यम स्टेपल	क्विंटल	101	6230	7030	6820