Crop Management : डाळिंब बागेमध्ये सिरॅटोसिस्टिस, फ्युर्जेरिअम व फायटोप्थोरा या बुरशी आणि सूत्रकृमी, वाळवी, शॉट होल बोरर या किडींमुळे मर रोगाचा प्रादुर्भाव दिसून येतो. या बुरशी व किडींच्या नियंत्रणासाठी फळांच्या काढणीनंतर झाडे ताणावर असताना किंवा बहराच्या सुरुवातीच्या टप्प्यात खालीलपैकी एका पर्यायाने ड्रेचिंग करावे.
पहिली पद्धत
पहिली ड्रेचिंग प्रोपीकोनॅझोल (२५ ईसी) २ मि.लि. अधिक क्लोरपायरीफॉस २ मि.लि प्रति लिटर पाणी या प्रमाणे १० लिटर द्रावण प्रति झाड.
दुसरी ड्रेचिंग (पहिल्या ड्रेचिंगनंतर ३० दिवसांनी) अॅस्परजिलस नायजर (एएन-२७) ५ ग्रॅम अधिक शेणखत २ किलो प्रति झाड
तिसरी ड्रेचिंग (दुसऱ्या ड्रेचिंगनंतर ३० दिवसांनी) व्हॅम (व्हेसिक्युलर आर्बस्क्युलर मायकोरायझा रायझोफॅगस इरेग्यूलॅरिस / ग्लोमस इंट्राडॅलिसिस) २५ ग्रॅम अधिक शेणखत २ किलो .
दुसरी पद्धत
प्रोपिकोनॅझोल (२५ ईसी) २ मि.लि अधिक क्लोरपायरीफॉस २ मि.लि प्रति लिटर पाणी याप्रमाणे २० दिवसांच्या अंतराने तीनवेळा ड्रेचिंग करावे.
तिसरी पद्धत
पहिली व तिसरी ड्रेचिंग - फोसेटील एएल (८० डब्ल्यूपी) ६ ग्रॅम प्रति १० लिटर द्रावण प्रति झाड दुसरी व चौथी ड्रेचिंग टेब्यूकोनॅझोल (२५९ ईसी) ३ मि.लि प्रति १० लिटर द्रावण प्रति झाड दोन डेचिगमध्ये २० दिवसांचे अंतर ठेवावे.
संकलन : कृषि सल्ला ग्रामिण कृषि मौसम सेवा, ए.एम.एफ.यु., इगतपुरी, विभागीय कृषी संशोधन केंद्र, इगतपुरी, जि. नाशिक.