कोपरगाव : काँग्रेस कमिटीच्या वतीने काँग्रेस कार्यकर्ता संवाद मेळावा तसेच महिला काँग्रेसच्या वतीने हळदी कुंकू समारंभ शनिवारी ( दि.६) उत्साहात पार पडला.
या कार्यक्रमासाठी श्रीगोंदा येथील सहकारमहर्षी शिवाजी नागवडे साखर कारखान्याचे अध्यक्ष राजेंद्र नागवडे, काँग्रेस कमिटीचे जिल्हा समन्वयक ज्ञानदेव वाफारे, सेवादलाचे जिल्हाध्यक्ष श्रीरंग झावरे, संगमनेर कारखान्याचे उपाध्यक्ष गणपत सांगळे, युवक काँग्रेस जिल्हा उपाध्यक्ष तुषार पोटे, कोपरगाव तालुकाध्यक्ष नितीन शिंदे, शहराध्यक्ष सुनील साळुंके यांची प्रमुख उपस्थिती होती.
यावेळी राजेंद्र नागवडे, जिल्हा समन्वयक ज्ञानदेव वाफारे यांनी कार्यकर्त्यांना मार्गदर्शन केले. युवक काँग्रेस उपाध्यक्ष तुषार पोटे यांनी प्रास्ताविक केले. तालुकाध्यक्ष नितीन शिंदे यांनी मागील वर्षीचा कार्य अहवाल मांडला, शहराध्यक्ष सुनील साळुंके यांनी शहरात कॉंग्रेसची मोट बांधणार असल्याचे स्पष्ट केले. महिला काँग्रेस तालुकाध्यक्षा ॲड. शीतल देशमुख व महिला शहराध्यक्षा रेखाताई जगताप यांनी महिला काँग्रेसची जम्बो कार्यकारिणी जाहीर केली. तसेच हळदी कुंकू समारंभाचे यशस्वी आयोजन यावेळी करण्यात आले.
यावेळी अल्पसंख्याक विभागाचे शहराध्यक्ष अब्बास सय्यद, तालुका काँग्रेसचे उपाध्यक्ष विजय जाधव, विष्णुपंत पाडेकर, ज्ञानेश्वर भगत, सचिव राहुल गवळी, शहर काँग्रेस सचिव लक्ष्मण फुलकर, अनुसूचित जाती विभागाचे जिखा सचिव यादव त्रिभुवन, अनुसूचित जाती विभागाचे तालुकाध्यक्ष चंद्रकांत बागुल, युवक काँग्रेसचे शहराध्यक्ष अक्षय आंग्रे, तालुका युवक काँग्रेसचे कार्याध्यक्ष सागर बारहाते, विद्यार्थी काँग्रेसचे शहराध्यक्ष आशपाक सय्यद, दादा आवारे, निरंजन कुडेकर, ऋषीकेश पगारे, कृष्णा कडलग, दत्ता भागिले उपस्थित होते.