‘लोकमत’चे महाअभियान : एकवीरा चौक परिसरात केली स्वच्छता

आज सकाळी ‘लोकमत’ने एकवीरा चौकात स्वच्छता महाअभियान राबविण्यात आले.

अहमदनगर : आज सकाळी ‘लोकमत’ने एकवीरा चौकात स्वच्छता महाअभियान राबविण्यात आले. या अभियानात ‘लोकमत’ परिवारातील सदस्य, जाणीव फाऊंडेशनचे सदस्य, नगरसेवक विनित पाऊलबुधे, नगरसेवक योगीराज गाडे, माजी नगरसेवक बाळासाहेब पवार, नगरसेवक निखिल वारे यांच्यासह विविध क्षेत्रातील नागरिक स्वच्छता अभियानात सहभागी झाले होते.
एकवीरा चौक ते श्रीराम चौक रस्ता, एकवीरा चौक ते यशोदानगरकडे जाणारा रस्ता, एकवीरा चौक ते सिटी प्राईड हॉटेलकडे जाणारा रस्ता या चारही रस्त्यावर आज स्वच्छता अभियान राबविण्यात आले. या अभियानातील एकवीरा चौक या रस्त्यावर खूप मोठी कचराकुंडी होती. मोकळ्या जागेवर खूप मोठा कचरा सासलेला होता. तो कचरा सर्व नागरिक नगरसेवकांनी, लोकमतच्या सदस्यांनी उचलला आणि ही जागा साफ करण्यात आली. सेंट्रल बँकेसमोर असलेला कचराही उचलण्यात आला. प्लास्टिक, कुल्फीच्या काड्या, बाटल्या, गुटख्याच्या प्लास्टिकच्या पिशव्या मोठ्या प्रमाणात आढळून आल्या. महानगरपालिकेचे आरोग्य विभागातील कर्मचारी यांनी याकामी मदत केली.
आजच्या अभियानात पर्यावरण मित्र अशोक काजळे यांनी त्यांनी लिहिलेले ‘पर्यावरण समजून घेताना’ या पुस्तकाच्या प्रती वाटप केल्या. रोज ते लोकमत अभियानात पाच पुस्तके वाटणार आहेत.