घरफोडी करून ७१ हजाराचा ऐवज चोरला

७० हजाराचा सोन्याचा हार चोरला

अहमदनगर : नगर तालुक्यातील पिंपळगाव लांडगा येथे चोरट्यांनी घरफोडी करून ७० हजार रुपये किमतीचा साडेतीन तोळे वजनाचा सोन्याचा हार चोरून नेला. २२ फेब्रुवारी रोजी सकाळी ११ वाजताच्या सुमारास ही घटना घडली. याप्रकरणी शिवाजी मारुती लांडगे यांनी नगर तालुका पोलीस ठाण्यात दिलेल्या फिर्यादीवरून गुन्हा दाखल करण्यात आला आहे. याप्रकरणी पोलीस नाईक वनवे हे पुढील तपास करत आहेत.

दागिने, पैसेे चोरले

अहमदनगर : जामखेड तालुक्यातील मोहरी येथे चोरट्यांनी घरफोडी करून रोख रक्कम व सोन्याचे दागिने असा एकूण १ लाख ५६ हजार रुपयाचा ऐवज चोरून नेला. २२ फेब्रुवारी रोजी दुपारी १.३० वाजता ही घटना घडली. याप्रकरणी जामखेड पोलीस ठाण्यात चंद्रभान माणिक वाघमोरे यांनी दिलेल्या फिर्यादीवरून गुन्हा दाखल करण्यात आला आहे. याप्रकरणी सहायक पोलीस निरीक्षक बडे हे पुढील तपास करत आहेत.

पेट्रोलपंपावरून पैसे चोरले

अहमदनगर : पारनेर तालुक्यातील जातेगाव घाट परिसरात असलेल्या पेट्रोल पंपाच्या कार्यालयातून चोरट्याने ३८ हजार १८० रुपये चोरून नेले. २२ फेब्रुवारी रोजी पहाटे ही घटना घडली. याप्रकरणी संतोष आबासाहेब भापकर यांनी दिलेल्या फिर्यादीवरून चोरट्यांविरोधात गुन्हा दाखल करण्यात आला आहे. याप्रकरणी हेड कॉन्स्टेबल बी.बी. अकोलकर हे पुढील तपास करत आहेत.