भरधाव बसने चिमुकलीला चिरडले, चालक फरार    

पारनेर तालुक्यातील नगर कल्याण रोडवरील काळेवाडी येथे भरधाव वेगात कल्याण कडून येत असलेली कल्याण - अहमदनगर या एस.टी बसने सहा वर्षीय चिमुकलीला चिरडल्याने तिचा जागीच मृत्यू झाला.

अहमदनगर - पारनेर तालुक्यातील नगर कल्याण रोडवरील काळेवाडी येथे भरधाव वेगात कल्याण कडून येत असलेली कल्याण - अहमदनगर या एस.टी बसने सहा वर्षीय चिमुकलीला चिरडल्याने तिचा जागीच मृत्यू झाला. माधुरी बाबाजी भोसले असे या मृत मुलीचे नाव आहे. ही घटना घडल्यानंतर बसचालक तिथून पसार झाला. ही घटना रविवारी संध्याकाळी सहा वाजण्याच्या सुमारास  घडली. 
 
मिळालेल्या  माहितीवरून माधुरी बाबाजी भोसले रा.काळेवाडी (ता.पारनेर) व वडील बाबाजी हे दोघेजण संध्याकाळी सहाच्या दरम्यान डोंगरावरून जनावरे घरी घेऊन येत असताना कल्याण कडून भरधाव वेगात येत असलेली कल्याण अहमदनगर एस.टी बस एम.एच ४० ए.क्यु ६०१५ या बस चालकाने रोडच्या परस्थितीवर दुर्लक्ष केल्याने रोडच्या उजव्या बाजूच्या साईड पट्टीवर  उभी असलेल्या चिमुकलीच्या ड्रायव्हर बाजूने समोरून जोराची धडक दिल्याने तिच्या अंगावरून पुढील चाक गेल्याने डोक्याला जास्त मार लागल्यामुळे माधुरी जाग्यावर मृत्यू पावली. घटना घडल्यानंतर चालक बस जोरात घेऊन नगरकडे जात असताना ग्रामस्थांनी आढवली आढवल्यानंतर बस चालक तिथून पसार झाला.  

भोसले हिचा मृतदेह  उत्तरीय तपासणीसाठी टाकळी ढोकेश्वर येथील ग्रामीण रुग्णालयात आणण्यात आला. सोमवारी सकाळी  तपासणी करून मृत्यू देह नातेवाईकांच्या ताब्यात देण्यात आला.