मानवसेवाच्या अध्यक्षपदी

श्रीरामपूर : मानवसेवा चॅरिटेबल ट्रस्टच्या अध्यक्षपदी उद्योजक तुषार प्रतापसिंह संपत यांची निवड झाली आहे.

दिवंगत जनकभाई आशर यांनी १९८२ मध्ये शहरात मानवसेवा चॅरिटेबल ट्रस्टची स्थापन केली होती. ट्रस्टच्या माध्यमातून जिल्ह्यात दहाहून अधिक नेत्ररोग तपासणी शिबिरे घेतली होती. शहरात व परिसरात पाणपोई चालू केली होती. बेवारस प्रेतांवर ट्रस्टकडून अंत्यसंस्कार केले जात होते.

शहर व परिसरातील भिक्षुकींना आशर सदैव मदत करत. सर्वधर्मीयांच्या कार्यक्रमांमध्ये पिण्याच्या पाण्याचे वाटप केले जात.

ट्रस्टचे अध्यक्ष जनकभाई आशर यांचे मागील वर्षी कोरोनात निधन झाले होते. त्यांचे वारस उद्योजक तुषार संपत यांची आता त्यावर निवड करण्यात आली आहे.

या निवडीचे आमदार लहू कानडे, नगराध्यक्ष अनुराधा आदिक, उपनगराध्यक्ष करण ससाणे, माजी आमदार भानुदास मुरकुटे, राष्ट्रवादी काँग्रेसचे प्रदेश सरचिटणीस अविनाश आदिक, माजी नगराध्यक्ष अनिल कांबळे, माजी उपनगराध्यक्ष संजय छल्लारे, संजय आगाशे, जयंत चौधरी आदींनी स्वागत केले.

------------