कोतवाली पोलीस चौकीत केडगाव जागरूक मंचच्या वतीने रक्षाबंधन

केडगाव : केडगाव जागरूक नागरिक मंचच्या महिला सदस्यांनी पोलीस बांधवांना राखी बांधून रक्षाबंधन सण साजरा केला.

सद्रक्षणाय खलनिग्रहणाय हे ब्रीद जपत अविरत समाजाची सेवा व रक्षण करणाऱ्या पोलीस बांधवांप्रति कृतज्ञता व्यक्त केली. पोलीस हे सामाजिक सलोखा टिकवण्यासाठी अहोरात्र झटत असतात आणि त्यातच कोरोना महामारीत समाजाला वाचविण्यासाठी समर्पित भावनेने त्यांनी केलेले अथक प्रयत्न अविस्मरणीय आहेत. राष्ट्र व समाज प्रथम म्हणत पोलीस समाजाला कुटुंब करतो व आपले कर्तव्य करत राहतो. सामाजिक कर्तव्य समजून मंचच्या सदस्यांनी पोलीस कुटुंबासोबत सण साजरा केला, अशा भावना मंचचे अध्यक्ष विशाल पाचारणे यांनी व्यक्त केल्या. पोलीस निरीक्षक राकेश मानगावकर, सहाय्यक पोलीस निरीक्षक नितीन रणदिवे यांनी नारळी पौर्णिमा व रक्षाबंधनाच्या सर्व पोलीस बांधवांना तसेच मंच सदस्यांना शुभेच्छा दिल्या. यावेळी कोतवालीचे पोलीस बांधव, खजिनदार प्रवीण पाटसकर, शारदा शिरसाठ, अंबिका कंकाळ व मंचचे सदस्य उपस्थित होते.