पारनेरमध्ये ट्रक - दुचाकींचा विचित्र अपघात : ५ जखमी

पारनेरमधील वडझिरे येथे बेल्हे -पारनेर रोडवर तिहेरी अपघातामध्ये ५ जण जखमी झाले. ट्रक आणि दोन मोटरसायकल मध्ये हा अपघात झाला.

लोणीमावळा : पारनेरमधील वडझिरे येथे बेल्हे -पारनेर रोडवर तिहेरी अपघातामध्ये ५ जण जखमी झाले. ट्रक आणि दोन मोटरसायकल मध्ये हा अपघात झाला.

वडझिरे येथील रावसाहेब हरकु चौधरी (वय -४५ वर्षे), संतोष फक्कड लंके (वय ३६ वर्षे), देवीभोयरे येथील संभाजी शिवाजी बेलोटे (वय ३५ वर्षे), जाधववाडी येथील धोंडीभाऊ जाधव (वय ५८ वर्षे), सुनिल दगडू जाधव (वय ४० वर्षे) अशी जखमींची नावे आहेत. पारनेरवरुन बेल्ह्याच्या दिशेला जाणा-या ट्रकला ओव्हरटेक करणारी मोटरसायकल (एम.एच.१६ ए.झेड ६७२०) देवीभोयरे फाट्याकडून येणा-या मोटरसायकल (एम.एच.-१५ एल ७९५२) ला धडकली. पाठीमागून येणा-या ट्रकच्या चाकाखाली सापडली. समोरील मोटारसायकल बाजूच्या खड्ड्यामध्ये जावून पडली. मोटरसायकलवरील रावसाहेब चौधरी, संतोष लंके व संभाजी बेलोटे हे जखमी झाले. दुस-या मोटारसायकलवरील सुनिल जाधव व धोंडीभाऊ जाधव हे बसले होते.यामधे रावसाहेब चौधरी यांचा पाय गेलेला आहे.तर धोंडीभाऊ जाधव व रावसाहेब चौधरी हे गंभीर जखमी आहेत.
घटनास्थळी पारनेर पोलिस स्टेशनचे पोलीस निरीक्षक बाजीराव पोवार यांनी भेट दिली असून पुढील तपास सुरु आहे.