Corona Cases : अकोल्यात आणखी एकाचा मृत्यू, २१० नवे पॉझिटिव्ह

CoronaVirus in Akola : ३१ मार्च रोजी आणखी एकाचा मृत्यू झाल्याने कोरोनाबळींची संख्या ४५२ झाली आहे.

अकोला : जिल्ह्यात कोरोनाचा कहर सुरुच असून, बुधवार, ३१ मार्च रोजी आणखी एकाचा मृत्यू झाल्याने कोरोनाबळींची संख्या ४५२ झाली आहे. आरटीपीसीआर चाचण्यांमध्ये ९१, तर रॅपिड ॲन्टिजेन चाचण्यांमध्ये ११९ अशा एकूण २१० जणांचा अहवाल पाझिटिव्ह आल्याने आतापर्यंतच्या एकूण बाधितांचा आकडा २७,६५४ वर गेला आहे.

शासकीय वैद्यकीय महाविद्यालयाच्या व्हीआरडीएल लॅबकडून बुधवारी आरटीपीसीआर चाचण्यांचे ६३८ अहवाल प्राप्त झाले. यापैकी ९१जणांचे अहवाल पॉझिटिव्ह असून, उर्वरित ५४७ अहवाल निगेटिव्ह आहेत. सकाळी पॉझिटिव्ह अहवाल आलेल्यांमध्ये मलकापूर येथील सात, जठारपेठ येथील पाच, मोठी उमरी व केशव नगर येथील प्रत्येकी चार, गोरक्षण रोड, रामदासपेठ व बाळापूर येथील प्रत्येकी तीन, उरळ, अकोट, देवरी, पारस, न्यु तापडीया नगर, लहान उमरी, निबंधे प्लॉट, जूने शहर, राऊतवाडी, जीएमसी, तोष्णीवाल लेआऊट, राम नगर व शिवणी येथील प्रत्येकी दोन, कृषी नगर, खंडाळा, एमआयडीसी, मिर्झापूर, भौरद, मनारखेड, शेळद, कादवी, देशमुख फैल, बिर्ला राम मंदिर, रामगाव, गजानन नगर, डाबकी रोड, सांगळूद, कोठारी वाटीका, बार्शीटाकळी, तुकाराम चौक, कौलखेड, टॉवर चौक, पारस, हिंगणा रोड, आदर्श कॉलनी, विजय नगर, शंकर नगर, पातूर, तारफैल, घुसर, अयोध्या नगर, आर्युवेदिक कॉलज, सिव्हील लाईन, निंभा ता.मुर्तिजापूर, शिवापूर, खडकी, बालाजी नगर, राधाकृष्ण टॉकीज व कुंभारी येथील प्रत्येकी एकाचा समावेश आहे.

अकोट येथील महिलेचा मृत्यू

कोरोनावर उपचार सुरु असलेल्या बोलके प्लॉट, अकोट येथील ७० वर्षीय महिलेचा बुधवारी मृत्यू झाला. त्यांना २२ मार्च रोजी दाखल करण्यात आले होते.

 

६,५२८ ॲक्टिव्ह रुग्ण

जिल्ह्यात आतापर्यंत एकूण २७,६५४ जणांना कोरोनाची लागण झाली असून, त्यापैकी तब्बल २०,६७४ रुग्णांनी कोरोनावर मात केल्याने त्यांना डिस्चार्ज देण्यात आला आहे. आतापर्यंत ४५२ जणांचा मृत्यू झाला असून, सद्य:स्थितीत ६,५२८ ॲक्टिव्ह रुग्ण आहेत.