अकोला : रामदास पेठ पोलीस ठाण्याच्या हद्दीतील रहिवासी असलेला एका युवकाचा रेल्वेखाली आल्याने मृत्यू झाल्याची घटना १३ एप्रिल रोजी सायंकाळी घडल्यानंतर सदर युवकास त्याच्या कुटुंबीयांनी ओळखले आहे.खैर मोहम्मद प्लॉटमधील येथील शरीफ नगरमधील रहिवासी सोहेल अहमद शकील अहमद यांचा मृतदेह १३ एप्रिल रोजी सायंकाळी पोलीस प्रशिक्षण केंद्राजवळ आढळला होता. रामदासपेठ पोलिसांनी मृतदेह ताब्यात घेऊन सर्वोपचार रुग्णालयात उत्तरीय तपासणीसाठी पाठविला. त्यानंतर अनोळखी मृतदेहाची ओळख पटवण्याचे आवाहन केल्यानंतर सदर मृतदेह हा सोहेल अहमद शकील अहमद यांचा असल्याचे त्यांच्या कुटुंबीयांनी ओळखले. त्यानंतर पोलीस प्रक्रिया पूर्ण करून हा मृतदेह त्यांच्या वडिलांच्या ताब्यात देण्यात आला आहे. याप्रकरणी रामदासपेठ पोलिसांनी आकस्मिक मृत्यूची नोंद केली आहे.
रेल्वेखाली आल्याने युवकाचा मृत्यू
By लोकमत न्यूज नेटवर्क | Published: April 14, 2020 4:42 PM