अकोल्यातील मोहम्मद अली रोडवरील दुकानाला आग!

अकोला : मोहम्मद अली रोडवरील एका चप्पल-जोडे दुकानाला आग लागल्याची घटना मंगळवारी घडली. या आगीत एक ते दोन लाख रुपयांचे नुकसान झाल्याची माहिती पोलिसांनी दिली.

ठळक मुद्देचप्पल-जोड्याचे दुकान : मंगळवारी पहाटे ६ वाजताच्या दरम्यान लागली आग शॉर्ट सर्किटमुळे लागली आग : दोन लाख रुपयांचे नुकसान झाल्याची शक्यता

लोकमत न्यूज नेटवर्क
अकोला : मोहम्मद अली रोडवरील एका चप्पल-जोडे दुकानाला आग लागल्याची घटना मंगळवारी घडली. या आगीत एक ते दोन लाख रुपयांचे नुकसान झाल्याची माहिती पोलिसांनी दिली.
मोहम्मद अली रोडवरील मो. युनूस अ. सत्तार लाखानी यांचे शु-प्लाझा नावाने जोडे व चपलांचे दुकान आहे. या दुकानात मंगळवारी पहाटे ६ वाजेच्या दरम्यान अचानक आग लागली. शॉर्ट सर्किटमुळे आग लागल्यानंतर दुकानातील साहित्याला आग लागली. या आगीची माहिती मनपाच्या अग्निशमन विभागाला देण्यात आली. अग्निशमन विभागाने तातडीने दाखल होऊन आगीवर नियंत्रण मिळविले; मात्र तोपर्यंत या आगीत लाखो रुपयांची हानी झाली.