ट्रक-दुचाकी अपघातात दोन जण जखमी

मूर्तिजापूर : भरधाव ट्रक व दुचाकीमध्ये झालेल्या अपघातात दोन जण जखमी झाल्याची घटना १७ एप्रिल रोजी पहाटे ५ वाजताच्या ...

ठळक मुद्देदुचाकी व ट्रक क्रमांक यूपी ६५ जीटी ३४०९ यांच्यात अपघात झाला.जखमी झालेल्या दुचाकीस्वरांना उपजिल्हा रुग्णालयात उपचारार्थ दाखल झाले होते.

मूर्तिजापूर : भरधाव ट्रक व दुचाकीमध्ये झालेल्या अपघातात दोन जण जखमी झाल्याची घटना १७ एप्रिल रोजी पहाटे ५ वाजताच्या सुमारास घडली. या संदर्भात शहर पोलिसात कोणाही विरुद्ध गुन्हा दाखल करण्यात आला नाही.
शुक्रवारी पहाटे ५ वाजताच्या सुमारास विलास रमेश गुंजाळ व मनोज मारोती कराळे हे राष्ट्रीय महामार्गाने दुचाकी क्रमांक एमएच ३० एआर ७२९० ने जात होते. यावेळी दुचाकी व ट्रक क्रमांक यूपी ६५ जीटी ३४०९ यांच्यात अपघात झाला. यामध्ये जखमी झालेल्या दुचाकीस्वरांना उपचारासाठी येथील लक्ष्मीबाई देशमुख उपजिल्हा रुग्णालयात उपचारार्थ दाखल झाले होते. उपचारानंतर त्यांना सुटी देण्यात आल्याची माहिती आहे; परंतु अपघातासंदर्भात पोलीस स्टेशनमध्ये कुठल्याही गुन्ह्याची नोंद नसल्याचे समजते. (शहर प्रतिनिधी)