युवक काँग्रेसने अकोला शहरात काढली मोटारसायकल रॅली

Youth Congress organized a motorcycle rally in Akola city : जिल्हा युवक काँग्रेस, अकोला शहर द्वारे रविवार, ३० ऑक्टोबर रोजी मोटार सायकल रॅली काढण्यात आली.

अकोला : भारतीय राष्ट्रीय काँग्रेसचे माजी अध्यक्ष खासदार राहुल गांधी यांनी सुरु केलेली भारत जोडो यात्रा लवकरच अकोल्यात येणार असून, या यात्रेबाबत जनजागृती करण्यासाठी तसेच यात्रेत लोकांनी सहभागी व्हावे, याकरीता जिल्हा युवक काँग्रेस, अकोला शहर द्वारे रविवार, ३० ऑक्टोबर रोजी मोटार सायकल रॅली काढण्यात आली.

अकोला शहर जिल्हाध्यक्ष आकाश कवडे यांच्या नेतृत्वात डाबकी रोड येथून सुरु झालेल्या या रॅलीला महाराष्ट्र प्रदेश काँग्रेसचे महासचिव बबनराव चौधरी, प्रदेश महासचिव अभय पाटील, प्रदेश सचिव प्रकाश तायडे, काँग्रेस चे महानगराध्यक्ष डॉ.प्रशांत वानखडे ,विवेक पारसकर यांनी हिरवी झेंडी दाखविली. शहरातील विविध मार्गांनी मार्गक्रमन करीत ही रॅली स्वराज्य भवन येथे आली व तेथे रॅलीचा समारोप करण्यात आला. 

या रॅलीत मनपातील माजी विरोधी पक्ष नेते साजिद खान पठाण, ग्रामीण जिल्हा काँग्रेस कमिटीचे कार्याध्यक्ष महेश गणगणे, नगर सेवक पराग कांबळे,नगर सेवक इरफान, मोईन खान, युवा नेते कपिल रावदेव, मो. युसुफ,युवक काँग्रेसचे प्रदेश सचिव सागर कावरे, महानगर सचिव पंकज देशमुख, युवक काँग्रेस जिल्हा उपाध्यक्ष राहुल सारवाण, विद्यार्थी काँग्रेस जिल्हाध्यक्ष अंकुश पाटील तायडे,युवक काँग्रेस विधानसभा अध्यक्ष अमोल ठोकणे, अझहर इकबाल, सोमेश दिगे, आकाश शिरसाठ, तपसू मानकिकर, संजय देशमुख, रवींद्र तायडे,गणेश कळसकर, मंजूर खान, मुजाहिद खान,सलीम खान, अभिजीत तवर, संतोष निधाने, पियूष लोखंडे यांच्यासह शेकडो कार्यकर्ते उपस्थित होते.