अमरावती: बसमध्ये चढत असताना एका इसमाच्या खिशातील पाकीट काढून त्यातील २० हजार लंपास करण्यात आल्याची घटना ही पंचवटी चौकात शुक्रवारी घडली. या प्रकरणी अज्ञात आरोपीविरुद्ध पोलिसांनी गुन्हा नोंदविला आहे. फिर्यादी राजकुमार कोलुमल जैस्वाणी (४५, रा. कृष्णानगर ) हे पंचवटी चौकातून तिवसा येथे जाण्यासाठी निघाले असता, त्यादरम्यान अज्ञात आरोपीने पाकीट काढले. पुढील तपास गाडगेनगर पोलीस करीत आहेत.
-------------------------------------------
सार्वजनिक ठिकाणी हाणामारी प्रकरणी गुन्हा
अमरावती:गाडगेनगर ठाणे हद्दीतील शेगाव नाका येथे दोन युवकांनी एकामेकांनाी हाणामारी केल्याप्रकरणी पोलिसांनी दोघांवर गुन्हा नोंदविला आहे. ही घटना शुक्रवारी घडली.
जाबीद अली सैय्यद अली (४०, रा. राहुलनगर), अविनाश श्रीकृष्ण कांबळे ( नारायण नगर) असे आरोपीचे नाव आहे. पुढील तपास पोलीस करीत आहेत.
----------------------------------------------------------
गांधी चौकातून दुचाकी लंपास
अमरावती: येथील गांधी चौकातून ३० हजार रूपये किंमतीची दुचाकी क्रमांक एमएच२७सीएम५५०३ ही अज्ञात आरोपीने चोरून नेल्याची घटना शुक्रवारी घडली.
या प्रकरणी फिर्यादी सतीश हनुमानदास बजाज (६१, रा. साईनगर)यांनी सिटी कोतवाली ठाण्यात तक्रार नोंदविली आहे. पुढील तपास पोलीस करीत आहेत.