अंबिकानगरातून दुचाकी चोरी

अमरावती : अंबिकानगरातील एका तरुणाचे मोपेड वाहन लंपास करण्यात आले. याची तक्रार ३७ वर्षीय महिलेने मंगळवारी फ्रेजरपुरा पोलीस ठाण्यात नोंदविली. महिलेचा मुलगा राज सपकाळ हा महापालिका शाळेतील प्रांगणात खेळायला गेला होता. त्याने प्रांगणाबाहेर एमएच २७ जीटी ७८७३ या क्रमांकाचे वाहन उभे केले होते. तेथून ते वाहन चोराने लंपास केले. त्यानुसार पोलिसांनी गुन्हा नोंदविला.

00000000000000000000000000

तांबा तार चोरणाऱ्याविरुद्ध गुन्हा

अमरावती : नागपुरी गेट हद्दीतील सुकळी येथील शेतशिवारातून ३० हजार रुपयांचे वीज तार लंपास करण्यात आले. अतुल रामभाऊ बोकाडे (४८ रा. रहाटगाव) हे वीज वितरण केंद्राचे वरिष्ठ तंत्रज्ञ असून, ते सुकळी येथील अब्दुल अशर अब्दुल कलाम यांच्या शेताजवळ गेले असता, त्यांना महावितरणाच्या रोहीत्र्याच्या पेटीतील तांब्याचे तार चोरी गेल्याचे आढळून आले. त्यांनी याची तक्रार नागपुरी गेट पोलिसात नोंदविली.

0000000000000000000000000000000

तडीपार आरोपीला अटक

अमरावती : खोलापुरी गेट पोलिसांनी मंगळवारी कल्याणनगरात एका तडीपाराला अटक केली. मयूर राजेश चाळीसगावकर (२९ रा. वल्लभनगर) असे आरोपीचे नाव आहे. पोलीस उपनिरीक्षक बालाजी वळसने यांचे पथक वल्लभनगरात पेट्रोलिंग करीत असताना, त्यांना तडीपार मयुर चाळीसगावकर फिरताना दिसला. पोलिसांनी त्याची चौकशी केली असता, तो विना परवानगी शहरात दाखल झाल्याचे आढळून आले. त्यामुळे पोलिसांनी मयूर चाळीसगावकरविरुध्द कलम १४२ अन्वये गुन्हा नोंदविला.