मास्क न वापरल्यामुळे गुन्हा

अमरावती: गस्तीवर असलेल्या पोलिसांना तोंडावर मास्क न लावणाऱ्यावर धडक मोहीम सुरु केली असून मास्क न लावता फिरणाऱ्या एका युवकावर भातकुली पोलिसानी गुन्हा नोंदविला आहे. ही कारवाई भातकुली स्टॅापसमोर रविवारी करण्यात आली.

संजय अरुण निंभोरकर (२३, रा. भातकुली) असे आरोपीचे नाव आहे. पुढील तपास पोलीस करीत आहेत.

---------------------------------------

बार मालकावर कारवाई

अमरावती: राजापेठ पोलिसानी येथील हॉटेल गोल्डन बार एमआयडीसी येथे कारवाई केली.

गस्तीवर असलेल्या पोलिसांनी बारची तपासणी केली असता, येथे सोशल डिस्टंसिंगचे पालन न करता हॉटेलमध्ये ग्राहक होते. त्यामुळे पोलिसांनी कारवाई केली. हॉटेल चालकाविरुद्ध भादविची कलम १८८ व अन्य कलमान्वये गुन्हा नोंदविला आहे.

------------------------------------------

नागपुर मार्गावरील खड्डे बुजविले

अमरावती: सार्वजनिक बांधकाम विभागाच्यावतीने येथील नागपुर महामार्गावरील खड्डे बुजविण्यात आले. गत दोन दिवसापासून पंचवटी चौक ते वेलकम पॉईंट पर्यंत रस्त्याचे खड्डे बुजविणे सुरु आहे.

--------------------------------------------------

फळ बाजारात घाणीचे साम्राज्य

अमरावती: येथील भाजीमंडी व फळ बाजारात कंत्राटदाराव्दारे नेहमीत स्वच्छता करण्यात येत नसल्याने येथे घाणीचे साम्राज्य निर्माण झाले आहे. येथे लाखो रूपये खर्च करून कंत्राट देण्यात येतो. परंतू नियमीत स्वच्छता होत नसल्याने भाजीमंडी व फळ व्यवसायिकांची ओरड वाढली आहे.