बसस्थानक परिसरात ‘मॉकड्रिल’

अमरावती : आगामी सण-उत्सव, स्वातंत्र्य दिन व विविध संघटनांच्या हालचाली लक्षात घेता सुरक्षिततेच्या व कायदा व सुव्यवस्थेच्या दृष्टीने पोलीस आयुक्त अमरावती कार्यक्षेत्रात बेस्स्ट प्राईस येथे १७ जुलै रोजी व १९ जुलै रोजी बसस्थानक अमरावती येथे दहशतवाद विरोधी कक्ष, जलद प्रतिसाद पथक, बाॅम्ब शोधक व नाशक पथक, पो.स्टे. सिटी कोतवाली व बडनेरा यांचे संयुक्त पथकासह माॅक ड्रिल घेण्यात आली. माॅक ड्रिल मध्ये दरम्यान बेस्स्ट प्राईस येथील ट्रान्सपोर्ट सेक्शन व बसस्थानक अमरावती येथील पार्सल विभागामध्ये ३ असामाजिक तत्त्वाचे इसम /दहशतवादी यांनी काही कर्मचाऱ्यांना बंधक केल्याचे भासवून दोन्ही ठिकाणी पथकाचे प्रशिक्षित कमांडोनी बंदकांची सुटका केल्याचे दाखविले.

सदर दोन्ही माॅक ड्रिल पोलीस आयुक्त आरती सिंह यांच्या मार्गदर्शनाखाली घेण्यात आली असून माॅक ड्रिलच्या वेळेस विशेष शाखेच्या पो.नि. नीलिमा आरज, बीडीडीएस चे पो.नि. जयंत राऊत, कोतवाली येथील वरिष्ठ पो.नि. राहुल आठवले, बडनेरा येथील वरिष्ठ पो.नि. वंजारी यांच्यासह आरपीफ, जीआरपी, एटीएस व एटीसीचे अधिकारी व अंमलदार हजर होते.