माती टाकण्यास हटकल्याने महिलेस मारहाण
By लोकमत न्यूज नेटवर्क | Published: June 11, 2021 04:10 AM2021-06-11T04:10:03+5:302021-06-11T04:10:03+5:30
अमरावती : खोदकामातील माती शेतात टाकण्याबद्दल हटकल्याने एका महिलेला काठीने मारहाण करण्यात आली. ही घटना बडनेरा हद्दीतील वडगाव जिरे ...
माती टाकण्यास हटकल्याने महिलेस मारहाण
अमरावती : खोदकामातील माती शेतात टाकण्याबद्दल हटकल्याने एका महिलेला काठीने मारहाण करण्यात आली. ही घटना बडनेरा हद्दीतील वडगाव जिरे शिवारात बुधवारी उघडकीस आली. महिलेच्या तक्रारीवरून बडनेरा पोलिसांनी अमोल दामोधर लायबर (३५ रा. वडगाव जिरे) याच्याविरुद्ध गुन्हा नोंदविला.
000000000000000000000000
बोअरवेलचा मोटर पंप लंपास
अमरावती : विलासनगरातील नेताजी हेल्थ सेंटरजवळील बोअरवेलचा मोटर पंप अज्ञात चोराने लंपास केला. ही घटना बुधवारी उघडकीस आली. विलासनगरातील महापालिकेच्या जागेवर नेताजी हेल्थ सेंटर असून, तेथील आवारात बोअरवेल करण्यात आली. दहा वर्षांपूर्वी सतीश रामेश्वर करेसिया (४२, रा. विलासनगर) यांनी मोटर पंप बसविला होता. त्यांनीच या घटनेची तक्रार बुधवारी गाडगेनगर पोलिसांत नोंदविली.
0000000000000000000
बच्छराज प्लॉटमधून दुचाकी लंपास
अमरावती : बच्छराज प्लॉटमधून एका तरुणाची दुचाकी चोराने लंपास केली. ही घटना बुधवारी उघडकीस आली. गिरीराज देवकिसन वड्डा (२८ रा. बच्छराज प्लॉट) यांची एमएच २७ सीई ४३८३ या क्रमांकाची ही दुचाकी आहे. त्यांनी या घटनेची तक्रार कोतवाली पोलिसात नोंदविली. त्यानुसार पोलिसांनी अज्ञात आरोपीविरुद्ध गुन्हा नोंदविला.
