आजचे राशीभविष्य, ०७ ऑगस्ट २०२३: या राशींना आर्थिक प्राप्तीचे प्रमाण चांगले राहील; आरामात कामे होतील

Today's Daily Horoscope: जाणून घ्या, कसा असेल तुमचा आजचा दिवस, काय सांगते तुमची राशी.

मेष-  आरामात कामे होतील. मौजमजा करण्यासाठी वेळ द्याल.अडचणी दूर होतील. कार्यक्षेत्रात वरचढ राहाल. घरात खेळीमेळीचे वातावरण राहील. घराच्या सजावटीकडे लक्ष द्याल. एखादी व्यक्ती तुम्हाला गोड बोलून कामे करुन घेण्याचा प्रयत्न करेल.

वृषभ- कार्यक्षेत्रात कामाचा ताण राहील. वाद होणार नाहीत याची काळजी घ्या. कुणाचे मन दुखावले जाणार नाही, याची काळजी घ्या. भावंडांचे चांगले सहकार्य मिळेल. व्यवसायात भरभराट होईल. महत्त्वाच्या कामासाठी खूप दगदग होईल.

मिथुन-आर्थिक प्राप्तीचे प्रमाण चांगले राहील. एखाद्याउलाढालीत सतत कार्यरत राहावे लागेल. लोकांच्या भेटीगाठी होतील. काही विचित्र लोकांशी संपर्क येईल.. व्यवसायात भरभराट होईल. खाण्या- पिण्याची चंगळ राहील. आर्थिक व्यवहार जपून करा.

कर्क- नोकरीत कामाचा ताण राहील. नवनवीन कामे समोर येतील. तुमच्या कौशल्याला वाव मिळेल. आर्थिक प्राप्तीचे प्रमाण चांगले राहील. जवळच्या लोकांच्या वागण्यामुळे मनस्ताप सहन करावा लागेल. घरी पाहुणे मंडळी येतील.

सिंह- भाग्याची साथ तुम्हाला मिळेल. दगदग कमी होईल. लोकांच्या सहवासात मन रमेल. नोकरीत बरीच कामे करावी लागतील पण सहकारी वर्गाची चांगली साथ राहील. त्यामुळे कामे पटापट पूर्ण होतील. खर्चावर नियंत्रण ठेवण आवश्यक आहे.

कन्या - महत्त्वाच्या कामात अडथळा येईल. पाय मागे खेचणाऱ्या लोकांना टाळणेच योग्य राहील. त्यापेक्षा जे लोक नेहमी मदत करतात अशा लोकांच्या भेटीगाठी घ्या. फार अचाट साहस करण्याच्या फंदात पडू नका, काहींना अचानक धनलाभ होऊ शकतो.

तूळ - नोकरीत तुमचे वर्चस्व प्र प्रस्थापित करण्यात यश मिळेल. मात्र त्यासाठी तुम्हाला बरेच परिश्रम करावे लागतील. जवळच्या लोकांची चांगली साथ राहील. विविध प्रकारचे लाभ होतील. अडचणी दूर होतील. जमिनीच्या व्यवहारात फायदा होईल.

वृश्चिक-संमिश्र ग्रहमानाचा अनुभव येईल. महत्त्वाच्या कामात विलंब होईल. काही अडचणी येतील. मात्र, आपण आत्मविश्वासाने वाटचाल सुरु ठेवाल, फार दगदग होईल, अशी कामे करू नका. जीवनसाथीची चांगली साथ राहील.

धनु- सामाजिक कार्यात सहभागी व्हाल. तुमच्या हातून चांगली कामे होतील. लोक तुमच्या कामाची प्रशंसा करतील, जीवनसाथीशी मधुर संबंध राहतील. मुलांना चांगल्या संधी मिळतील. काहींना अचानक प्रवास घडून येईल. शिक्षणात प्रगती होईल.

मकर- कार्यक्षेत्रात स्वतः ला सिद्ध करण्यासाठी प्रयत्नशील राहाल. लोकांचा तुमच्याशी मधुर व्यवहार राहील. नवीन शिकण्याची मनात उमेद निर्माण होईल. व्यवसायात अनुकूल वातावरण राहील. घरात किरकोळ वाद टाळा. सतत कार्यरत राहाल.

कुंभ- व्यवसायात सतत कार्यरत राहाल. जवळच्या प्रवासाचा योग येईल. प्रवासात सतर्क राहा. भावंडाशी किरकोळ कारणावरून गैरसमज होऊ शकतात. प्रसंगी आपणच माघार घ्यावी. कठोर शब्द वापरणे टाळा. नाही तर लोक दुखावले जातील.

मीन- चांगल्या बातम्या कानावर पडतील. त्यामुळे मन आनंदून जाईल. कामात सफलता मिळेल. मात्र, त्यासाठी बरेच कष्ट करण्याची तयारी ठेवली पाहिजे. घरात काही कारणाने वाद होऊ शकतात. मुलांकडून अपेक्षा पूर्ण होतील

 - विजय देशपांडे ज्योतिषविशारद