मेष - जवळच्या प्रवासाचा बेत ठरेल. व्यवसायात अनुकूल वातावरण राहील. लोकांशी संवाद राहील. भेटीगाठी होतील. आर्थिक गुंतवणूक करताना जाणकार मंडळींचा सल्ला घ्या. आर्थिक प्राप्तीचे प्रमाण चांगले राहील. आवडत्या छंदासाठी वेळ काढा.

वृषभ- ग्रहमानाची अनुकूलता तुमच्या बाजूने राहील, मनात आनंदी विचार राहतील. हाती घेतलेल्या महत्त्वाच्या कामात सफलता मिळेल. लोकांचे चांगले सहकार्य मिळेल. आवडल्या भोजनाचा आस्वाद घेता येईल. व्यवसायात भरभराट होईल.

मिथुन- कामे सूर्यास्ताच्या नंतर हाती घ्या. यश मिळेल आणि सकारात्मक परिणाम दिसून येतील. आर्थिक आवक चांगली राहील. अनावश्यक खर्चावर थोडे नियंत्रण ठेवणे आवश्यक आहे. व्यापारी वर्गाला परिश्रमाचे उचित फळ मिळेल.

कर्क- महत्त्वाची कामे सायंकाळच्या आत आटोपून घ्या. प्रवासात सतर्क राहा, आपली महत्त्वाची कागदपत्रे, वस्तू सांभाळा मनात सकारात्मक विचार ठेवा. कामाचा ताण हळूहळू कमी होईल, आर्थिक प्राप्तीचे प्रमाण चांगले राहील.

सिंह- ग्रहमानाची 'अनुकूलता तुमच्या बाजूने राहील. कामाचा ताण राहील. सतत धावपळ करावी लागेल. मात्र, सायंकाळच्या सुमारास मनासारख्या घटना घडतील, मौजमजा करण्यासाठी वेळ मिळेल. धनलाभ होईल. जवळच्या लोकाशी संवाद राहील.

कन्या- नशिबाचा कौल तुमच्या बाजूने राहील, चांगल्या बातम्या कानावर पडतील. मौजमजा करण्याच्या दृष्टीने योजना आखल्या जातील. नोकरीत नवीन प्रकल्पासाठी तुमच्या नावाचा विचार केला जाईल. जवळच्या लोकांच्या भेटीगाठी होतील.

तूळ - दिवसाची सुरुवात थोडी चाचपडत होईल. थोडे संयमाने वागण्याची गरज आहे. महत्त्वाची कामे सूर्यास्ताच्या नंतर हाती घ्या. म्हणजे कमी श्रमात तुम्हाला सफलता मिळेल. नोकरीत प्रगतीला वाव मिळेल. तुमच्या कामाची प्रशंसा होईल.

वृश्चिक - दिवसाची सुरुवात उत्साहात होईल. झटपट कामे उरकून टाकण्याकडे कल राहील. महत्त्वाची कामे आपण सूर्यास्ताच्या आत आटोपून घ्या. अचानक धनलाभ होऊ शकतो. वाहनाच्या वेगावर नियंत्रण ठेवा. जीवनसाथीची चांगली साथ राहील.

धनू दिवसाची सुरुवात संथ गतीने होईल. तुमच्या समोर काही अडचणी असतील. मात्र, आत्मविश्वासाने तुम्ही सगळ्या अडचणी दूर कराल. महत्त्वाची कामे सूर्यास्ताच्या नंतर हाती घ्या. तोपर्यंत कामाची पूर्वतयारी करून ठेवा. जीवनसाथीशी सूर जुळतील.

मकर- महत्त्वाचे निरोप येतील. त्यामुळे तुमचा उत्साह वाढेल. जीवनसाथी साथ देईल, भेटवस्तू प्राप्त होतील, तरुण वर्गाला प्रेमात अपेक्षित प्रतिसाद मिळेल. व्यवसायात भरभराट होईल. महत्त्वाची कामे सूर्यास्ताच्या आत आटोपून घ्या, प्रेरणादायी पुस्तक वाचा.

कुंभ- नोकरीत प्रगतीला पूरक वातावरण राहील. नवीन ओळखी फायदेशीर ठरतील. मात्र, झेपतील तेवढीच कामे अंगावर घ्या. लोक तुमची प्रशंसा करतील या अपेक्षेने अतिरिक्त कामे करण्यासाठी धडपड करू नका. मुलांच्या यशामुळे आनंद वाटेल.

मीन- घरात कार्यक्रमाचे आयोजन केले जाईल. पाहुणे मंडळी येतील. भावंडांची खुशाली कळेल. नोकरीत नवीन संधी मिळेल. नोकरीच्या शोधात असलेल्यांना योग्य संधी मिळेल. शैक्षणिक प्रगतीपुस्तक झळकते राहील. 

- विजय देशपांडे (ज्योतिषविशारद)