आजचे राशीभविष्य - 10 ऑगस्ट 2023; नोकरीत कामाचे स्वरूप बदलेल, नवीन नोकरीच्या शोधात असलेल्यांना चांगली संधी मिळेल

Rashi Bhavishya : जाणून घ्या, कसा असेल तुमचा आजचा दिवस..., काय सांगते तुमची राशी...

मेष - हाती घ्याल ते तडीस न्याल, अशी परिस्थिती राहील. मोठ्या योजना आखल्या जातील. मनात आत्मविश्वास राहील. उत्साहाने कामे कराल. आर्थिक प्राप्तीचे प्रमाण चांगले राहील. मुलाशी संवाद ठेवा. घरात खेळीमेळीचे वातावरण राहील.

वृषभ - ग्रहमानाची अनुकूलता तुमच्या बाजूने राहील. जोडीदार तुमच्या मर्जीनुसार वागेल. व्यवसायात मालाची विक्री चागली होईल. जवळच्या लोकांशी संवाद राहील. त्यांच्याशी बोलून मन मोकळे होईल. एखाद्या प्रकल्पासाठी आवश्यक ती माहिती कळेल.

मिथुन - जनसंपर्क चांगला राहील. लोकांसाठी बराच वेळ द्यावा लागेल. त्यामुळे तुमची स्वतःची कामे पूर्ण होणे राहून जाईल. काही लोक तुम्हाला पैसे खर्च करण्यास भाग पाडतील. महत्त्वाची कामे पुढे ढकलणे ठीक राहील. एखादे पुस्तक वाचून काढा.

कर्क - कामे वेळेवर पूर्ण होतील. त्यामुळे तुमचा फावला वेळ मनोरंजनासाठी देणे शक्य होईल. जवळच्या लोकांशी संवाद राहील. एखाद्या छोट्या कार्यक्रमात सहभागी व्हाल. मनात सकारात्मक विचार राहतील. धनलाभ होण्याच्या दृष्टीने चांगला काळ आहे.

सिंह - कामाची लोक प्रशंसा करतील. त्यामुळे तुमचा उत्साह वाढेल. त्या नादात स्वतःकडे दुर्लक्ष करू नका. वेळच्या वेळी आहार आणि आराम करणे आवश्यक आहे. नोकरीत प्रगतीला पूरक वातावरण राहील. कामाचे स्वरूप बदलेल.

कन्या - मनात प्रसन्न विचार राहतील. लोकांच्या भेटीगाठी होतील. तुमच्या हातून चांगली कामे होतील. समाजात तुमचा मान वाढेल. इतरांना मदत करण्यासाठी वेळ द्याल. पैशाचा ओघ सुरू राहील. चांगल्या बातम्या कानावर पडतील. आवडत्या लोकांचा सहवास मिळेल.

तूळ - एखादा फायदा होईल. लॉटरीचे एखादे तिकीट घेऊन पाहण्यास हरकत नाही. वाहने जपून चालवा. शांत चित्ताने कामे करत राहा. तुमच्यासमोर कामाचा डोंगर उभा असेल, मुत्सद्दीपणाने वागून त्यातून मार्ग काढाल.

वृश्चिक - व्यवसायात सतत व्यस्त राहाल. तुमच्या उपक्रमांची लोक प्रशंसा करतील. लोक तुमची मदत करण्यासाठी पुढे येतील. कार्यक्षेत्रात तुमचा दबदबा राहील. लोक तुमचे महत्त्व मान्य करतील, कुणाचा अपमान होईल, असे शब्द वापरू नका.

धनू - व्यवसायात सतत व्यस्त राहाल. कामाचा ताण राहील. मात्र, त्यातून तुमचा फायदा होईल, त्यामुळे काम करावे लागले तरी काही वाटणार नाही. जवळच्या प्रवासाचा योग येईल. प्रवासाचे नीट नियोजन करा कलाकार मंडळींना चांगला काळ आहे.

मकर - स्पर्धा परीक्षा देणायांना चांगला काळ आहे. योग्य मार्गदर्शन मिळेल. चांगल्या संधी चालून येतील. नोकरीत प्रगतीला पूरक वातावरण राहील. काहीना प्रवास करावा लागेल. जोडीदार तुमच्या मर्जीनुसार वागेल. समाजात तुमचा मान वाढेल.

कुंभ - नातेवाइकांच्या भेटीगाठी होतील. घरात मंगलकार्याचे आयोजन केले जाईल. चहलपहल राहील. नोकरीत कामाचे स्वरूप बदलेल, नवीन नोकरीच्या शोधात असलेल्यांना चांगली संधी मिळेल. व्यवसायात भरभराट होईल. मन आनंदी राहील.

मीन - कार्यात तुमच्यावर मोठी जबाबदारी राहील. लोकांना मदत करण्यासाठी पुढाकार ध्यान. त्यामुळे तुम्हाला दगदग होईल. नातेवाइकांच्या भेटी होतील. त्याच्याशी बोलून मन मोकळे होईल. वडीलधाऱ्याचा आशीर्वाद घ्या.

-विजय देशपांडे (ज्योतिषविशारद)