MG ची नवीन 7 सीटर कार आज लाँच होणार; अनेक ॲडव्हान्स फीचर्स मिळतील 

MG Gloster : ऑटोकार इंडियाच्या रिपोर्टनुसार, प्रमुख बदल नवीन ॲडव्हान्स I-Smart इन्फोटेनमेंट सिस्टम आणि व्हेरिएंटमध्ये बदल असतील.

नवी दिल्ली : एमजी मोटर्स (MG Motors) आपली 7 सीटर एसयूव्ही एमजी ग्लॉस्टर ( SUV MG Gloster) भारतात नवीन अवतारात आणणार आहे. कंपनी आज (31 ऑगस्ट) लाँच करणार आहे. लाँच होण्याआधी, काही स्पाय फोटो समोर आले आहेत, ज्यावरून असा अंदाज लावला जात आहे की, कारच्या एक्सटीरियरमध्ये फार मोठे बदल दिसत नाहीत. मात्र, काही बदल नक्कीच करण्यात आल्याची शक्यता आहे. ऑटोकार इंडियाच्या रिपोर्टनुसार, प्रमुख बदल नवीन अॅडव्हान्स I-Smart इन्फोटेनमेंट सिस्टम आणि व्हेरिएंटमध्ये बदल असतील.

नवीन अवतारमध्ये या कारला पूर्वीपेक्षा जास्त ADAS फीचर्स दिले जातील. यात MG Astor प्रमाणे स्तर-2 ADAS फीचर्स असतील, असे म्हटले जात आहे. तसेच, नवीन फीचर्ससह, एमजीची ही एसयूव्ही नुकत्याच आलेल्या Hyundai Tucson शी स्पर्धा करेल. कंपनीने नुकतीच नवीन गाडीची झलक सादर केली आहे. MG Motor ने आपल्या सोशल मीडिया हँडलवर ADAS फीचर्ससह नवीन Gloster ला टीझ केले होते. कंपनीने आपल्या सोशल मीडिया पोस्टमध्ये लिहिले होते की, "4x4 ची पॉवर, ADAS चे प्रोटेक्शन, Advance Gloster रस्त्यावर आणि तुमच्या मनात आपली छाप पाडण्यासाठी येत आहे."

दरम्यान, सध्याच्या MG Gloster सात-सीटरची किंमत 37.28 लाख (एक्स-शोरूम) रुपयांपासून सुरू होते. ADAS फीचर्ससह सुसज्ज असलेली ही एमजीची भारतातील पहिली कार होती. यात ॲडेप्टिव्ह क्रूझ कंट्रोल, ऑटोमॅटिक पार्किंग असिस्ट, फॉरवर्ड कोलिजन वॉर्निंग, ऑटोमॅटिक इमर्जन्सी ब्रेकिंग, ब्लाइंड स्पॉट डिटेक्शन आणि लेन डिपार्चर वॉर्निंग यांसारख्या अनेक सुविधा आहेत.

याचबरोबर, असे म्हटले जाते की 2.0-लीटर टर्बो डिझेल इंजिन नवीन एमजी ग्लोस्टरमध्ये उपलब्ध राहील. हे इंजिन 8-स्पीड ऑटोमॅटिक ट्रान्समिशनशी जोडलेले आहे. हे 218 PS पॉवर आणि 480 Nm टॉर्क जनरेट करते. यात 7 ड्रायव्हिंग मोड - स्नो, सँड, मड, रॉक, स्पोर्ट, इको आणि ऑटो मिळू शकतात. दमदार सेफ्टी फीचर्सव्यतिरिक्त, या एसयूव्हीमध्ये ड्रायव्हर सीट मसाज फंक्शन, हीडेट ड्रायव्हर यासारख्या सुविधा देखील मिळतात.