उत्कृष्ट कार्य करणाऱ्या समाजसेवकांचा सत्कार

मोहाडी : वरठी येथील जे.बी. युथ फोर्स सनफ्लॅग या संस्थेच्या वतीने समाजातील नावीन्यपूर्ण उपक्रम, समाजसेवा, जनसेवा तसेच विविध क्षेत्रांत उत्कृष्ट काम करणारे सरपंच सदाशिव ढेंगे यांचा सत्कार आमदार राजू कारेमोरे यांच्या हस्ते वरठी येथे करण्यात आला.

कार्यक्रमाच्या अध्यक्षस्थानी एकनाथ फेंडर होते. आमदार राजू कारेमोरे यांच्या हस्ते हरदोलीचे आदर्श सरपंच तथा समाजरत्न सदाशिव ढेंगे यांचा जाहीर सत्कार करण्यात आला. त्यावेळी प्रमुख पाहुणे सरपंच भूपेंद्र पवनकर, नरेंद्र पिकलमुंडे, विलास केजरकर, शेखर मडामे, विजय बडोले, प्रीतम कठाणे उपस्थित होते. जे. बी. युथ फोर्स सनफ्लॅग वरठी या संस्थेच्या वतीने समाजातील नावीन्यपूर्ण उपक्रम, समाजसेवा, जनसेवा अशा विविध क्षेत्रांत उत्कृष्ट काम करणाऱ्या व्यक्तींचा सन्मान करण्यात आला.

हरदोलीचे येथील आदर्श सरपंच तथा समाजरत्न सदाशिव ढेंगे हे एक अष्टपैलू व्यक्तिमत्त्वाचे धनी आहेत. पत्रकार, राजकीय, सामाजिक क्षेत्रात उत्कृष्ट कार्य करीत असल्याने जे. बी. युथ सनफ्लॅग या संस्थेच्या वतीने स्मृतिचिन्ह, प्रमाणपत्र देऊन सत्कार करण्यात आला. संचालन अजित गजभिये यांनी केले, तर उपस्थितांचे आभार शेखर मडामे यांनी मानले. कार्यक्रमाच्या यशस्वीतेकरिता जे. बी. युथ सनफ्लॅग या संस्थेच्या पदाधिकारी व कार्यकर्त्यांनी सहकार्य केले.

120921\img-20210910-wa0220.jpg

उत्कृष्ठ कार्य करणाऱ्या समाज सेवकांचा सत्कार