शहरं
Join us  
Trending Stories
1
Eknath Shinde : अडचणीची परिस्थिती वा द्विधा मनःस्थिती; एकनाथ शिंदे जातात सातारच्या गावी! यावेळी काय घडणार?
2
तिढा सुटेना, महायुतीचे नेते पुन्हा दिल्लीला जाणार, का होतोय सत्तास्थापनेस उशीर? 
3
एकनाथ शिंदे नाराज असल्याची चर्चा; राजकीय गदारोळात उदय सामंतांकडून महत्त्वाचा खुलासा
4
गोंदिया-कोहमारा मार्गावर शिवशाही बसचा भीषण अपघात! ११ जणांचा मृत्यू; मुख्यमंत्र्यांकडून मदत जाहीर
5
"वाढीव मतदानाचे व्हिडीओ चित्रीकरणासह पुरावे सादर करा", नाना पटोलेंचं निवडणूक आयोगाला पत्र
6
"लॉरेन्स बिश्नोईचा जेलमधून शूटर्सना कॉल; म्हणाला, पोलिसांना घाबरु नका, आपल्याकडे वकिलांची फौज"
7
PAN 2.0 नंतर सरकार आता EPFO 3.0 आणण्याच्या विचारात; ATM मधूनच करता येणार 'हे' काम
8
Maharashtra Politics : मोठी बातमी! महायुतीची बैठक रद्द, मुख्यमंत्री एकनाथ शिंदे साताऱ्याला जाणार
9
भारतीय गुंडांचा अमेरिकेत 'डंकी'पद्धतीने प्रवेश; लॉरेन्स बिश्नोई टोळीचेही आवडते ठिकाण बनले
10
रोल्स रॉयस घ्यायची असेल तर डाऊन पेमेंट किती करावे लागणार? EMI किती बसणार... जाणून घ्यायला काय हरकत आहे...
11
Shubman Gill कमबॅकसाठी सज्ज; हा घ्या तो १०० टक्के फिट असल्याचा पुरावा (VIDEO) 
12
EPFO कर्मचाऱ्यांसाठी महत्त्वाची बातमी; ३० नोव्हेंबरपर्यंत करा 'हे' काम; अन्यथा होईल मोठं नुकसान
13
अमित शाहांच्या भेटीवेळी चेहऱ्यावर नाराजी, व्हायरल होत असलेल्या फोटोबाबत एकनाथ शिंदे म्हणाले...  
14
गुजरातमध्ये बनावट ऑस्ट्रेलियन डॉलर्सची छपाई, पोलिसांनी चौघांना घेतले ताब्यात
15
'कोणतीही कारवाई करू नका'; जामा मशीद प्रकरणी सर्वोच्च न्यायालयाचे कनिष्ठ न्यायालयाला निर्देश
16
F&O मध्ये ४५ नवे स्टॉक्स : Paytm, जिओ, फायनान्शिअल, LIC; Yes Bank सारख्या शेअर्सची एन्ट्री, काय फरक पडणार?
17
PM मोदींच्या सुरक्षेसाठी महिला 'एसपीजी कमांडो', काय आहे व्हायरल फोटोचं सत्य?
18
गोंदियात भीषण अपघात! शिवशाही बस उलटली, ११ जणांचा मृत्यू; मृतांची संख्या वाढण्याची शक्यता
19
हळद लागली! शोभिता धुलिपालाला लागली चैतन्यच्या नावाची हळद, समोर आले प्री वेडिंगचे फोटो
20
Maharashtra News: भाजपला एकनाथ शिंदेंच हवेत उपमुख्यमंत्री, काय आहे कारण?

माडगी रेती घाटातून सर्रास रेतीची चोरी

By लोकमत न्यूज नेटवर्क | Published: July 12, 2021 4:22 AM

महसूल प्रशासनाची मूक संमती : खनिकर्म विभाग कारवाई करणार काय? तुमसर : तुमसर तालुक्यातील पांजरा येथील घाटावर भंडारा येथील ...

महसूल प्रशासनाची मूक संमती : खनिकर्म विभाग कारवाई करणार काय?

तुमसर : तुमसर तालुक्यातील पांजरा येथील घाटावर भंडारा येथील खनिकर्म विभागाच्या पथकाने धडक दिली. दुसरीकडे राष्ट्रीय महामार्गावर असलेल्या माडगी येथे घाटातून दररोज राजरोसपणे रेतीची चोरी सुरू असताना महसूल व खनिकर्म विभाग कोणतीच कारवाई करताना दिसत नाही. दोन्ही विभागाने येथे मूक संमती दिली काय, असा प्रश्न उपस्थित होत आहे. माडगी गावाच्या प्रवेशद्वारावरच रेती तस्करांनी प्रचंड मोठा रेती साठा केला आहे. तेथून जेसीबीद्वारे टिप्परमध्ये रेती भरण्यात येते. नदीपात्रातून ट्रॅक्टरद्वारे ही रेती रेतीसाठ्यात जमा केली जाते.

तुमसर गोंदिया राष्ट्रीय महामार्गावर माडगी गाव असून गावाशेजारूनच वैनगंगा नदी वाहते. येथील नदीपात्रात रेतीचा मोठा साठा होता; परंतु मागील दोन ते अडीच महिन्यांपासून रेती तस्करांनी नदीचे पात्र पोखरून टाकले आहे. दिवसाढवळ्या नदीपात्रातून रेतीचे उत्खनन सुरू आहे. ट्रॅक्टरद्वारे नदीपात्रातील रेती गावाच्या प्रवेशद्वाराजवळ आणून रेतीचा साठा करण्यात येतो. येथे मोठा रेती साठा उपलब्ध आहे. सकाळपासून सायंकाळपर्यंत नदीपात्रातून रेतीचा उपसा केला जातो. महसूल प्रशासनाने हा रेती घाट लिलाव केला नाही. माडगी गाव व नदीपात्राचे अंतर अतिशय कमी आहे. गावाच्या सुरक्षेकरिता व घाटाचे क्षेत्रफळ कमी असल्याने महसूल प्रशासनाने येथे रेती घाटाचा लिलाव केला नाही; परंतु दुसरीकडे येथे तस्करांनी प्रभावशील लोकांना हाताशी धरून रेती चोरी सर्रास सुरू केली आहे. रेती चोरी करणारे तालुका बाहेरचे आहेत. महसूल मुख्यालयापासून केवळ आठ किलोमीटर अंतरावर हा रेती घाट आहे. या गावात महसूल प्रशासनाचा कर्मचारी कर्तव्यावर राहतो; परंतु अजूनपर्यंत या रेती तस्करावर कोणतीच कारवाई झाली नाही. रेती चोरीची मुभा कोणी दिली हा संशोधनाचा विषय आहे.

गावाच्या प्रवेशद्वारावर रेती साठ्यातून जेसीबीने ट्रक व टिप्पर भरून त्याची वाहतूक राजरोसपणे सुरू आहे; परंतु अद्याप त्यावर कारवाई करण्यात आली नाही. तीन दिवसांपूर्वी रेतीच्या एका ट्रकने गावाचे प्रवेशद्वार भुईसपाट केले; परंतु त्याची दखल घेण्यात आली नाही. यामुळे पाणी कुठेतरी मुरत आहे असे दिसून येते. नियमावर बोट ठेवणाऱ्या महसूल प्रशासनाच्या कार्यप्रणालीवर यामुळे प्रश्नचिन्ह उपस्थित होत आहे. आतापर्यंत लाखो रुपयांची रेती या रेती घाटातून चोरी करण्यात आली. रेती चोरी करणे व तिची वाहतूक करणे हा मोठा गुन्हा आहे असे सांगण्यात येते; परंतु माडगी घाटात असा नियम दिसून येत नाही.