रेल्वेचे मासिक पास कधी सुरू होणार?

बॉक्स

मुंबईत शक्य मग येथे का नाही?

लसीचे दोन्ही डोस घेतलेल्यांना मुंबईत रेल्वेचे मासिक पास दिले जात आहेत. मग, हाच नियम येथे लागू करून अपडाऊन आणि नियमित प्रवास करणाऱ्यांना मासिक पास देण्याची नेमकी अडचण काय, असा सवाल जिल्ह्यातील प्रवाशांनी केला आहे. रेल्वे विभागाचे एकाच गोष्टीसाठी वेगवेगळे निकष का, असा सवाल उपस्थित केला जात आहे. रेल्वेने त्वरित मासिक पासची सुविधा सुरू करावी. आता रेल्वे गाड्यांची संख्यासुद्धा वाढली आहे.

बॉक्स

भुर्दंड किती दिवस सहन करायचा?

कोरोनाचा संसर्ग आता आटोक्यात आला असून, सर्व व्यवहारदेखील सुरळीत झाले आहेत. तर रेल्वे विभागानेही गाड्यांची संख्या वाढविली आहे. मग, रेल्वेला मासिक पासची सेवा सुरू करण्यास नेमकी अडचण काय हे समजण्यास मार्ग नाही. यामुळे आमच्यासारख्या नियमित प्रवास करणाऱ्यांना आर्थिक भुर्दंड सहन करावा लागत आहे.

- समीर वासनिक, प्रवासी.

माझे कुरिअरचे काम आहे. त्यामुळे मला दररोज भंडारा ते नागपूर हा प्रवास करावा लागतो. मात्र, मासिक पास बंद असल्याने मला दररोज दोनशे रुपयांचा आर्थिक भुर्दंड बसत आहे. रेल्वेकडे मासिक पासची सेवा त्वरित सुरू करण्याची मागणी अनेकदा करण्यात आली; पण त्यांनी अद्यापही दखल घेतली नाही.

- हेमंत बनकर, प्रवासी.

मासिक पासमुळे अप-डाऊन करण्याचा आर्थिक भुर्दंड बसत नव्हता. मात्र, मागील दीड वर्षापासून ही सुविधा बंद असल्याने अपडाऊन करणेसुद्धा अवघड झाले आहे. रेल्वेने विशेष गाड्यांच्या नावावर प्रवाशांची लूट चालविली आहे. तशीच लूट मासिक पास बंद करून सुरू ठेवली आहे. याचा फटका प्रवाशांना बसत आहे.

- विवेक जायभाये, प्रवासी.

कोट

रेल्वे बोर्डाच्या आदेशाची प्रतीक्षा

कोरोनाच्या संसर्गामुळे रेल्वेने मागील दीड वर्षापासून मासिक पास बंद केले आहेत. मासिक पास सुविधा पुन्हा सुरू करण्यासंदर्भात रेल्वे बोर्डाकडून अद्याप कुठलेही निर्देश प्राप्त झालेले नाहीत. त्यामुळे ही सेवा केव्हा सुरू होणार हे आताच सांगता येणार नाही.

- एक अधिकारी, भंडारा रोड, रेल्वे स्टेशन.