खासगी बस उलटून 1 ठार, 20 प्रवासी जखमी

पुण्यावरून अकोल्याला जाणारी खासगी बस उलटून रविवारी पहाटे 5.30 वाजता अपघात झाला. यामध्ये एक प्रवासी ठार, एक गंभीर तर 20 प्रवासी जखमी झाले.

खामगाव : पुण्यावरून अकोल्याला जाणारी खासगी बस उलटून रविवारी पहाटे 5.30 वाजता अपघात झाला. यामध्ये एक प्रवासी ठार, एक गंभीर तर 20 प्रवासी जखमी झाले. अपघातातील जखमींना खामगाव सामान्य रुग्णालयात उपचारासाठी भरती करण्यात आले आहे. मृतकाची ओळख अद्याप पटली नसून खामगाव ग्रामीण पोलीस घटनास्थळी दाखल झाले आहेत. बहुतांश जखमी प्रवासी अकोल्यातील रहिवासी आहेत. जागेश्वरी यात्रा कंपनीची ही खासगी बस असल्याचे ग्रामीण पोलीस स्टेशनचे ठाणेदार शेख यांनी सांगितले.