१७00 लीटर डिझेल लंपास

मेहकर रोडवरील घटना.

लोणार : येथील मेहकर रोडवरील वैभव पेट्रोल पंपावरून ९ मे च्या मध्यरात्री अज्ञात चोरट्यांनी १७00 लीटर डिझेल लंपास केल्याची घटना घडली. याप्रकरणी पेट्रोल पंपचालकाच्या तक्रारीवरून अज्ञात चोरट्याविरुद्ध लोणार पोलीस ठाण्यात गुन्हा दाखल करण्यात आला.शहरापासून मेहकर रोडवर एक किमी अंतरावर असलेल्या वैभव पेट्रोल पंपाच्या डिझेलच्या डिप ट्रंकमध्ये पाइप टाकून अज्ञात चोरट्यांनी १ हजार ७00 लीटर डिझेल चोरून नेले. यामुळे पेट्रोल पंपमालकाचे जवळपास १ लाख २५ हजार रुपयांचे नुकसान झाले आहे. घटनेची माहिती कळताच लोणार येथील ठाणेदार बाविस्कर, साहाय्यक पोलीस निरीक्षक आकाश शिंदे यांनी घटनास्थळाची पाहणी केली. दरम्यान पेट्रोल पंपाच्या डिझेल टँकमध्ये मागील बाजूने पाइपच्या सहाय्याने २00 मीटर अंतरावर डिझेल कॅनमध्ये भरून चोरी केल्याच्या खुणा आढळत आहेत. याप्रकरणी पेट्रोल पंपचालक संतोष मापारी यांनी लोणार पोलीस ठाण्यात फिर्याद दिली आहे. ्र्रपोलिसांनी घटनास्थळाची पाहणी केल्यानंतर अज्ञात चोरट्यांविरुद्ध विविध कलमान्वये गुन्हा दाखल केला आहे. डिझेलचोरीच्या या प्रकरणाचा पुढील तपास लोणार पोलिस करीत आहेत.