श्वेता महालेंच्या स्वास्थ्यासाठी मंदिरात पूजा दर्गाहवर चादर!

चिखली : आमदार श्वेता महाले यांच्यावर मुंबई येथे झालेल्या शस्त्रक्रियेनंतर त्या लवकरात लवकर बऱ्या व्हाव्यात, यासाठी मतदारसंघात ठिकठिकाणी ईश्वराला साकडे घालण्यात आले आहे.

याअंतर्गत मर्दडी देवी, रायपूर येथे भाजप कार्यकर्त्यांनी व नागरिकांना पूजा व देवीला पातळ चढवून आ. महालेंच्या प्रकृतीसाठी साकडे घातले.

जगप्रसिद्ध सैलानी बाबा दर्गाहवर चादर चढविण्यात आली आहे. मंगरूळ नवघरे येथे जमाल शाह बाबा यांच्या दर्ग्यावरदेखील चादर चढविण्यात आली आहे. उंद्री सर्कलमधील मोहाडी येथील महादेव मंदिरात अभिषेक व महापूजा, कोलारा येथील सिद्धेश्वर संस्थान येथे, तर धाड सर्कलमधील धारेश्वर मंदिर व चांडोळ येथील गणपती मंदिरात तसेच शिरपूर येथील जागृत देवस्थान मन्नाथ महाराज येथे शिरपूरवासीयांकडून दुग्धाभिषेक करून आ. महालेंच्या प्रकृतीसाठी ठिकठिकाणी पूजा, अभिषेक, प्रार्थना केल्या जात आहेत. मर्दडी देवी संस्थान येथे जिल्हा उपाध्यक्ष देविदास जाधव, डॉ. राजेश्वर उबरहंडे, संदीप उगले, रमेश सोनुने आदी भाजप कार्यकर्ते व नागरिक उपस्थित होते. सैलानी येथे डॉ. राजेश्वर उबरहंडे, शंकर तरमळे, संदीप सोनुने आदी उपस्थित होते.

वैरागड येथे संजय महाले, दिगंबर राऊत, आदी, तर म्हसला येथे डॉ. अनिल जाधव, विजय भोंडे व योगेश राजपूत आदी उपस्थित होते. कोलारा येथे पं. स. सदस्या मनीषा सपकाळ, संस्थांचे अध्यक्ष साहेबराव पाटील सोळंकी, डॉ. कृष्णकुमार सपकाळ, धोंडू पाटिल, सरपंच वनिता सोळंकी आदींसह गावकरी मंडळी उपस्थित होते. मंगरूळ नवघरे येथे पंजाबराव अंभोरे, अमोल जाधव, संजय चेके, राजेश अंभोरे, शे. अनिस, काळू, कय्युम, शरीफ पठाण, संजय घरत, अशोक अंभोरे, अनिल धनवटे, भिवसन पठाण, अशपाक शे. धोटू, शे. इसराईल शे. इब्राहीम, अफझज सय्यद व निशान ईमाम यांच्या उपस्थितीत आ. महालेंच्या उत्तम आरोग्यासाठी प्रार्थना करण्यात आली आहे.