कर भरणाऱ्यांना नगरपालिकेने दिल्या भेटवस्तू

लकी ड्राॅ काढून ४५ बक्षिसांचे घरपाेच हाेणार वितरण

लाेणार : काेराेनामुळे नगरपालिकेचा थकलेला कर वसूल करण्यासाठी १२ एप्रिल राेजी लकी ड्राॅ काढण्यात आला. यामध्ये ४५ बक्षिसांचे लाभार्थ्यांना घरपाेच वितरण करण्यात येणार आहे.

विजेत्या करदात्यांचे नाव ऑनलाईन पद्धतीने घोषित करण्यात आले. हा समारंभ कोविड १९ ची पार्श्वभूमी बघता फेसबुक लाईव्हद्वारे सर्वांना दाखविण्यात आला. यावेळी आनंद प्रकाशचंद आचलीया हे प्रथम ४० इंची एलईडीचे विजेते ठरले. द्वितीय फ्रीज विजेता- मोहन रंगअप्पा शेटे, तृतीय कुलर विजेता- प्रकाश विठोबा मापारी, चतुर्थ गॅस शेगडी- श्यामराव बढे, पाचवे शांतिलाल सिंगी- मिक्सर, तर पाच फॅन, दहा हेल्मेट, पाच इस्त्री, आठ स्टडी टेबलच्या विजेत्यांना घरपोच बक्षिसे पाठविण्यात येणार आहेत. यावेळी नगराध्यक्षा पूनम पाटोळे, उपनगराध्यक्ष बादशाखान, मुख्याधिकारी विठ्ठल केदारे, पाणी पुरवठा सभापती आबेदखान, साहेबरावजी पाटोळे, शे. रहुफ, नगरसेवक संतोष मापारी, डाॅ. अनिल मापारी, गुलाबराव सरदार, सतीश कापुरे, न. प. कर्मचारी संजय ऐनेवार, अशोक निचंग, शेख अनवर, निसार शेख, पारस सुटे, धनशाम भालेराव, दीपक चोपडे, शे. रफिक, फुलचंद व्यास, मनीष पाटोळे उपस्थित हाेते.

८० टक्के करवसुली

नगरपरिषेदेच्यावतीने मालमत्ता कर व पाणीपट्टी भरण्यासाठी लकी ड्राॅ स्पर्धेचे आयोजन केले होते. याला नागरिकांचा उत्स्फूर्त प्रतिसाद मिळाला. नगरपालिकेची ८० टक्के १ कोटी रुपये कर वसुली झाली.

विठ्ठल केदारे, मुख्याधिकारी न. प., लोणार