बुलडाणा-दुधा मार्गावर मालवाहू वाहनाच्या धडकेत एक ठार

One killed in an accident on Buldana-Dudha road : एका वाहनाने तालुक्यातील हतेडी येथील बसस्थानकानजीक एकास धडक दिली

लोकमत न्यूज नेटवर्क
बुलडाणा: भाजीपाला घेऊन जाणाऱ्या भरधाव वेगातील एका वाहनाने तालुक्यातील हतेडी येथील बसस्थानकानजीक एकास धडक दिली. त्यामध्ये एक जण गंभीर जखमी झाला. त्यामुळे त्यास त्वरित बुलडाणा येथे उपचारासाठी हलविण्यात आले. मात्र डॉक्टरांनी त्यास मृत घोषित केले. ही घटना ६ जुलै रोजी सायंकाळी ५ वाजेच्या सुमारास घडली.
धाड कडून बुलडाण्याच्या दिशेने भाजीपाला घेऊन जाणारे एक वाहन भरधाव वेगात जात होते. दरम्यान या वाहनाची हतेडी बसस्टॉपजवळ दिनकर सुर्यभान जाधव (३८) यांना जबर धडक बसली. या धडकेत दिनकर जाधव यांच्या डोक्याला जबर मार लागला. 
त्यामुळे त्यांना स्थानिकांनी तातडीने जिल्हा सामान्य रुग्णालयता उपचारासाठी दाखल केले. मात्र डॉक्टरांनी तपासणी केल्यानंतर त्यांना मृत घोषित केले.  या घटनेदरम्यान हतेडी बसस्टॉप परिसरात काही भाजीपाला विक्रेतेही बसलेले होते. सुदैवाने  या घटनेत ते थोडक्यात बचावले.