मलकापूरमध्ये भीषण अपघात, एकाचा मृत्यू तर 3 जण गंभीर जखमी 

मलकापूरमध्ये भीषण अपघात झाल्याची घटना समोर आली आहे. भरघाव ट्रक व कार अपघातात एकाचा जागीच मृत्यू झाला असून तीन जण गंभीर जखमी झाले आहेत.

ठळक मुद्देमलकापूरमध्ये भीषण अपघात झाल्याची घटना समोर आली आहे. भरघाव ट्रक व कार अपघातात एकाचा जागीच मृत्यू झाला असून तीन जण गंभीर जखमी झाले आहेत.महामार्ग ६ वर वडनेरभोलजीजवळ बुधवारी सकाळी सहा वाजता हा अपघात घडला आहे. 

मलकापूर - मलकापूरमध्ये भीषण अपघात झाल्याची घटना समोर आली आहे. भरघाव ट्रक व कार अपघातात एकाचा जागीच मृत्यू झाला असून तीन जण गंभीर जखमी झाले आहेत. जखमींना उपटारासाठी जवळच्या रुग्णालयात दाय़कल करण्यात आले आहे. एकाची प्रकृती ही चिंताजनक आहे. महामार्ग ६ वर वडनेरभोलजीजवळ बुधवारी सकाळी सहा वाजता हा अपघात घडला आहे. 

मिळालेल्या माहितीनुसार, दादगांव नांदेड येथील भाविक स्विप्ट डिझायर क्र. एम.एच.४७/सी.७४९८ या कारने अजमेर येथे जाण्यासाठी निघाले होते. बुधवारी सकाळी ६ वाजेच्या सुमारास विरुद्ध दिशेने भरघाव आलेल्या ट्रक क्र. एम.पी.०९/एच.जी.५५९९ व कारमध्ये महामार्ग ६ वर वडनेरभोलजी नजीक ठाकुर पेट्रोल पंपाजवळ भीषण अपघात झाला. या अपघातात विश्वास संबाराव देवसरकर (३५) यांचा जागीच मृत्यू झाला. तर गजानन शंकरराव देवसरकर, लक्षण किसनराव देवसरकर, भारत किसनराव देवसरकर, चंद्रमणी मेहसराम सावनकर हे गंभीर जखमी झाले आहेत.

जखमींना मलकापूरचे नगराध्यक्ष हरिश रावळ यांनी तात्काळ येथील उपजिल्हा रुग्णालयात दाखल केले. यात तिघांपैकी कुणाचा हात तर कुणाचा पाय फॅक्चर असल्याने त्यांच्यावर उपचार झाले. मात्र चंद्रमणी सावनकर याची तब्येत गंभीर झाल्याने त्याला तात्काळ सकाळी ६.३० वाजता बुलढाणा हलविण्यात आले आहे.