खासगी बसची प्रवाशी वाहनाला धडक : एक गंभीर

महारचिकना(बुलडाणा) : भरधाव खासगी बस आणि प्रवाशी वाहनाची समाेरासमाेर धडक झाल्याने एक जण गंभीर जखमी झाला. ही घटना लोणार तालुक्यातील महारचिकना फाट्यापासून एक किलोमीटरच्या अंतरावर असलेल्या जाभंळीच्या नाल्याजवळ १ फेब्रुवारी राेजी घडली. सुदैवाने प्राणहानी टळली.

सिरसाळा ता.रिसाेड जि.वाशिम येथील प्रवशी द्वारकानाथ येथे दर्शनासाठी खासगी बस क्र. एमएच ०४ एफके ०४८४ ने जात हाेते. दरम्यान, लाेणार तालुक्यातील महारचिकना फाट्यापासून एक कमी अंतरावर असलेल्या जांभळीच्या नाल्याजवळ जालन्यावरून येत असलेल्या प्रवाशी वाहन क्र.एमएच २१ एजी ०७८४ ने या खासगी बसला जबर धडक दिली. या अपघातात प्रवाशी वाहनाचा चालक गंभीर जखमी झाला. ही धडक एवढी भीषण हाेती की, प्रवाशी वाहनाच्या समाेरच्या भागाचा चुराडा झाला, तसेच खासगी बसचेही माेठ्या प्रमाणात नुकसान झाले. घटनेची माहिती मिळताच, बिबी पाेलिसांनी घटनास्थळावर धाव घेऊन जखमी चालकास तत्काळ उचारारासाठी हलविले. या प्रकरणी पुढील तपास बिबी पाेलीस करीत आहेत.