मलकापूर पांगरा येथील राेहित्र जळाले

मलकापूर

पांगरा : येथील आठवडी बाजारातील रोहित्र जळाल्याने अर्धे गाव दाेन दिवसांपासून अंधारात आहे. याकडे महावितरणच्या अधिकाऱ्यांचे दुर्लक्ष हाेत असल्याने ग्रामस्थांनी राेष व्यक्त केला आहे. लाइनमन नसल्याने रात्री वीज पुरवठा खंडित झाल्यास ग्रामस्थांना रात्र अंधारातच काढावी लागते.

मलकापूर पांगरा येथील आठवडी बाजारात असलेेले राेहित्र गत दिवसांपासून जळाले आहे. त्यामुळे अर्ध्या गावातील वीज पुरवठा खंडित झाला आहे. गत दाेन दिवसांपासून राेहित्र दुरुस्त न केल्याने ग्रामस्थांना माेठ्या प्रमाणात त्रास सहन करावा लागत आहे. गत एक महिन्यापासून गावात लाइनमन नसल्याने गावातील वेळोवेळी वीज खंडित होत आहे. कृषी पंपाचा वीज पुरवठा खंडित झाल्यास चार चार दिवस सुरळीत हाेत नसल्याचे चित्र आहे. गावात कायस्वरूपी लाइनमन देण्याची मागणी सरपंचांनी केली हाेती. तसेच मागणी मान्य न झाल्यास आंदाेलन करण्याचा इशारा दिला हाेता. तरीही एक महिन्यापासून गावाला लाईनमन देण्यात आलेला नाही. याकडे वरिष्ठ अधिकाऱ्यांनी लक्ष देऊन कायमस्वरूपी लाइनमन देण्याची मागणी हाेत आहे.