शाळा बंद; बालक-पालकांचे मानसिक आरोग्य हरवले!

बुलडाणा : गत दीड वर्षांपासून शाळा बंद असल्याने मुलांना विविध छंद जडले आहेत. शाळा नाही, अभ्यास नाही. त्यामुळे मुलांचे हट्ट पुरविताना पालकांची दमछाक होत आहे. दिवस निघताच मुलांना हाती मोबाईल हवा, अन्यथा ते चिडचिड करतात. यामुळे पालकही चिंतातुर झाले आहे. सवयी बदलल्याने आरोग्यावर परिणाम होत असल्याचे जाणवत आहे.

कोरोनामुळे शिक्षणाचे तीनतेरा झाले. दिनचर्येत बदल झाला. ८० ते ९० टक्के मुलांचे मैदानी खेळ थांबले आहे. लॅपटॉप वा टॅबवर ऑनलाईन असलेल्या मुलांना मज्जाव केल्यास ते रागावतात, अशा तक्रारी पालकांनी मानसोपचार तज्ज्ञांकडे नोंदविल्या आहेत. मुले दिवसभर मोबाइल बघतात. त्यामुळे डोळ्यांचे आजारही वाढले असून, चष्मा लागण्याचे प्रमाण वाढले आहे.

पालकांच्या समस्या...

कोरोना काळात शाळा बंद असल्याने मुले बाहेर पडू नये, यासाठी घरातच टीव्हीसमोर बसून राहण्याची सक्ती केली होती. आता ही सवय मानसिक आरोग्यासाठी घातक ठरत आहे. मुलांना डोळ्यांचे आजार, डोकेदुखीचे त्रास वाढले आहे. मुलांमध्ये लठ्ठपणा वाढला आहे. सतत टीव्हीसमोर बसत असल्याने डोळ्यांचा आजार, मानसिक आरोग्य जडले आहे.

मुलांच्या समस्या...

शहरी भागात जवळपास सर्व पालकांनी ऑनलाईन शिक्षणासाठी मोबाईल खरेदी केला आहे. मात्र, मुले ऑनलाईन शिक्षणाऐवजी कार्टून फिल्म, गेम खेळतात.

पुस्तकाऐवजी मुलांच्या हाती मोबाईल आल्याने मुलांच्या सवयीत प्रचंड बदल झाला आहे. मानसिक आरोग्याची मोठी समस्या निर्माण झाली आहे. आवडी-निवडी पूर्ण करताना पालक त्रस्त झाले आहे.

मैदानी खेळ बंद झाले. त्याऐवजी रमोबाईल टीव्हीने जागा घेतली आहे. शाळा बंद असल्याने मित्र, सवंगडी हरविल्याचे चित्र आहे.

मानसोपचार तज्ज्ञ म्हणतात...

शाळा बंद असल्याने लहान मुलांवर त्याचे परिणाम हाेत आहे़ पालकांनी मुलांना वेळापत्रक ठरवून द्यावे़ अभ्यास, गृहपाठ आणि खेळण्यासाठीही वेळ द्यावा़ ताण वाढल्याने विद्यार्थ्यांमध्ये चिडचिडेपणा वाढला. याचा परिणाम पालकांवरही हाेत आहे़

डाॅ़ विश्वास खर्चे, मानसाेपचार तज्ज्ञ, बुलडाणा

६ ते १६ वर्षे वयोगटातील मुलांना मानसिक आजाराचे रुग्ण वाढले आहेत. पालक तशा मुलांच्या समस्या घेऊन येत आहेत. हा सर्व प्रकार लहान मुलांच्या सवयी बदलल्याने घडत आहे.

- किशोर वाघ, समुपदेशक, खामगाव.